Di ryè dè totè chouârtè.

Di tsê a j’ètchilè, di tsê a bantsè, di tsê a redalè, di tsê a panêrè, di tsarotè, di tonberô, di lujatyêrè, di barganye, di tsê di mouâ, di pouârtè po lè j’oto.

Di bèluètè a fèmê, di chevirè, di brankâ.

Di yudzè a bàja, di yudzè a potson avui dou pyumé (lèrdjêrè) a trè pyumé, di trinô, di yodzé avui le chnâko po tsêrèyi lè tejon, di yodzètè po chè dèmorâ, mimamin di chki, è di tsêrgochè (tsêrètè dè Tsarmê). Di bori, a manchalè, a kuvèta, di bâ, di rêtè.

Di rèthe po lè èthrâbyo, di baranyè, di katsè, di bouèton.

Di poupalè, di chôlè, di dzovè, di tsoupon, di vêro in bou po ingojalâ lè vatsè kan l’an vilâ, di j’èrtchà.

Di kôvê, di treyè, di fortsè in bou po dèjindanyi, di rathi in bou, di pâlè a bàja in bou, di mayè è di mayoutsè.

Di réchète, di bonbannè, di…