Dzojè Patchi, bordzê dè Bulo, fajê le mihyi dè tornâre. Kemin èthê pâ tan gran on li bayivè le chorènon dè Patyolè. La Méjon Byantse, chitya ou numérô chê dè la route dè Rya, irè cha méjon patèrnèla. La pouârta d’intrâye chè trovàvè ou mitin dè la ramire. L’è a cha drête ke Patyolè l’avê cha tsanbra ke li chèrvechê achebin d’ateyé. L’avê inchtalâ chon toua dèvan la fenithra. On povê l’apèchyêdre travayi du la route.

Patyolè n’irè pâ on trichtounè. Ou dzoua d’ora on chè rapalè adi dè chè fâchè è dè chè gougenètè.

On dzoua, ke dèvechê alâ din on burô po rèyâ ouna dèvala, dèvan d’intrâ, l’a nyâ chon pouârta-mounêya ou bè d’ouna fechala. In le terin kemin ch’irè on tsin, l’a ourâ la pouârta dou burô è in chè rèverin l’a bramâ:

- Vin-vê, tè ! Volon tè bregandâ.

On kou, le patron dou burô li a dèmandâ:

- L’è vo ke vo j’i a non Patyolè?

Cha rèponcha l’a èhyatâ mimamin on kou dè fuji:

- Ouê, Moncheu, ma lè pèrchenè bin alèvâyè mè dyon: Moncheu Patchi!

Inke oun’ôtra fâcha dè Patyolè. On kou, on tro dèvan la miné, Luvi Byan è Luvi Hainard, dou vivandyé chayin d’on kabarè, l’an apèchu Patyolè k’irè, po la réjon k’on dèvenè, indremê chu on ban. Lè dou j’omo chè chon arenâ po le tringalâ tanty’a la Méjon-Byantse.  Mi tyè chin, iran tan bon, ke l’an dèvihyi è betâ ou yi. Adon, djuchto dèvan ke modichan, Patyolè lou j’a fê:

- L’é j’ou mé dè tsanthe tyè Jésus-Chricht, li, l’è j’ou tringalâ pêr on âno, mè, n’in d’é j’ou dou.

Patyolè l’a fê cha dêrire fâcha in ch’inchumiyin  pèjubyamin a la «Maison Bourgeoisiale».

Bèrnâ Chaney

Patyolè

Joseph Pasquier, bourgeois de Bulle, faisait le métier de tourneur. Comme il n’était pas très grand, on lui donnait le surnom de «Patyolè». La Maison Blanche, située au numéro 6 de la Route de Riaz, était sa maison paternelle. La porte d’entrée se trouvait au milieu de la façade. C’est à sa droite que Patyolè avait sa chambre qui lui servait aussi d’atelier. Il avait installé son tour devant la fenêtre. On pouvait l’apercevoir travailler depuis la route.

Aujourd’hui, on se rappelle encore de ses farces et de ses balivernes.

Un jour qu’il devait aller dans un bureau pour régler une dette, avant d’entrer, il a attaché son porte-monnaie au bout d’une ficelle. En le tirant comme si c’était un chien, il a ouvert la porte du bureau et en se retournant il a crié:

- Viens-voir, toi ! Ils veulent te brigander.

Une fois, le patron du bureau lui a demandé:

- C’est vous, qui vous appelé Patyolè?

Sa réponse a éclaté pareillement un coup de fusil:

- Oui Monsieur, mais les personnes bien élevées me disent: Monsieur Pasquier!

Une autre farce de Patyolè. Une fois, un peu avant minuit, Louis Blanc et Louis Hainard, deux bons vivants sortant d’un café, ont aperçu Patyolè qui était, pour la raison que l’on devine, endormi sur un banc. Les deux hommes se sont éreintés pour le trimbalé jusqu’à la Maison Blanche. Mieux que ça, ils étaient tellement bons, qu’ils l’ont déshabillé et mis au lit. Alors, juste avant qu’ils ne partent, Patyolè leur a fait:

- J’ai eu plus de chance que Jésus-Christ, lui, il a eu un âne pour le transporter, moi, j’en ai eu deux.

Patyolè a fait sa dernière farce en s’endormant paisiblement à la Maison Bourgeoisiale.

Bernard Chaney