Du mè vouèt’an, chu jelâye avui mon velo du La Toua ti lè dedzà dumidzoua a la bibyotèke tsèrtchi di lêvro chu la natura, di konto, di lêvro d’avantura dè totè chouârtè, pêrmo ke no j’avan pâ tan dè tyè yêre vêr no, fro hou dè la kolèkchyon Mondo. Adon Michel Strogoff è lè pyannè dè Russi èthan dèvinyêtè por mè ache konyu tyè la dzà dè Sautau avui Klarinbo è Bré dè Fê!

Mè rapalo la viye bâtiche ke chè travè dè l’ôtra pâ dè la ruva: kan i intrâvo din la hôta tsanbra farmo chonbra, l’i avê rintyè on piti ré dè lumyére è na binda dè bithè naturalijâyè ke mè fajan a pouêre avui lou j’yè chèvéro.

I mè rachovinyo ke fayechê chè dèkarkachi po dètsifrâ lè pititè kârtè avui lè non di lêvro oubin, ch’on’oujâvè, dèmandâ a la dama le lêvro ke no j’avan fan dè yêre.

Kan arouvâvo a la méjon avui mon trèjouâ, on Tintin, 20'000 lieues sous les mers ou bin Le piti prinhyo (in franché !), l’avé fôta dè le katchi na vouèrbèta , ôtramin mon gran frârè mè le prenyê è richkâvo dè pâ avê liji dè le yêre dèvan dè le rindre a la dama dêrê cha hôta trâbya dè tsâno, pri dou loutsèrou ke mè vouitchivè dè biga.

Por mè, le mujé gruvèrin è cha bibyotèke èthan- è chon adi- on achokrê chejin yô i fâ bon ch’arèthâ po yêre è rinkontrâ di dzin kuryà kemin mè d’aprindre ôtyè chu nouthrè kothemè è nouthra viye linvoua. Adon mè chinto vêr mè ou mitin dè ti hou j’èkri è hou bi j’éjè ke rapalon le chavi fére è la ya di j’anhyan dè nouthra kotse. Vo le chédè achurâ, chi l’indrê fâ atan dè bin ke l’ê k’on chochyè.

Carmen Buchillier

La bibliothèque du musée gruérien et moi

Dès l’âge de 8 ans, je suis allée avec mon vélo depuis La Tour-de-Trême tous les jeudis après-midi à la bibliothèque chercher des livres sur la nature, des contes, des livres d’aventure de toutes sortes, car nous n’avions pas tant de quoi lire chez nous hormis les livres de la collection Mondo. C’est ainsi que Michel Strogoff et les plaines de Russie étaient devenues pour moi aussi familières que la forêt de Sauthaux avec Claremboz et Bras-de-Fer!

Je me rappelle la vieille bâtisse qui se trouve de l’autre côté de la rue: lorsque j’entrais dans la grande pièce très sombre, il n’y avait qu’un petit rais de lumière et une foule d’animaux empaillés qui me faisaient peur avec leurs regards sévères.

Je me souviens qu’il fallait se débrouiller pour déchiffrer les petites cartes portant le nom des livres ou bien, si on osait, demander à la dame le livre que nous désirions lire.

Lorsque j’arrivais à la maison avec mon trésor, un livre de Tintin, 20'000 lieues sous les mers ou bien le Petit Prince, il me fallait le cacher un petit moment, sinon mon grand frère me le prenait et je risquais de ne pas avoir le temps de le lire avant de le rendre à la dame derrière sa grande table de chêne, près du hibou qui me regardait de travers.

Pour moi, le musée gruérien et sa bibliothèque étaient- et sont toujours- un refuge agréable où il fait bon s’arrêter pour lire et rencontrer des gens curieux comme moi d’apprendre quelque chose au sujet de nos coutumes et notre vieux langage. Ainsi je me sens chez moi au milieu de tous ces écrits et ces beaux objets qui rappellent le savoir-faire et la vie des anciens de notre région.

Mais vous le savez bien, cet endroit fait autant de bien que l’air que l’on respire.

Carmen Buchillier