Du Innê tot’in amon, li a di tsalè, di méjon. È ora, ouna novala krê. Ouê, ouê, ouna dèpye! Dechando pachâ, ouna binda dè chejintè dzin l’an grèpiyi la Vudala por alâ li betâ ouna krê. Ha montanye bin konyu è bin pyantâye dèkouthè Molèjon n’in meretâvè bin ouna, tyédè ! L’abé Guy ke bayivè la bènèdikchyon a la tsapala dè Prindji l’a rapalâ k’on yâdzo, li avê dza j’ou ‘na krê in bou, chinpya, a la Vudala… Apri chin, l’an bâtâ kotyè mulè po portâ la krê è to chin ke fô amon. Ha krê l’è j’ou fête pê ‘na binda d’êmi k’âmon la montanye.
Ou dzoua d’ora, lè mohyi chè vudyon balébin… a réjon ou pâ… fô pout-ithre pâ mèhyâ le Bon-Dyu è lè dzanyè di j’omo. Ma mimamin che l’afére i tsandzè, to le mondo vouêrdè on piti ôtyè. Tsakon tràvè chin ke li konvin le mi. Po lè dzouno, è pâ tyè lè dzouno, tsakon l’a on bokon cha kotse po rètrovâ de la nyêrga è de la fouârthe. Ouna tsapala, on piti l’oratouâre yô alâvan avui lou mér’gran, ouna dzà, ouna montanye,… To le mondo l’è kontin dè vêre la krê ou ketsè d’on vani kan t’ârouvè amon. Chi chinbole l’è amâ dè ti in- delé di krèyanthè. I rèprèjintè binchur le Bon-Dyu, ma achebin le ketsè d’na montanye ke chinbyè no mothrâ la limita intrè la Têra è la Yê; intrè chin ke l’Omo chè krê mètrijâ è chin ke mètrijè pâ… La montanye la rido fê dè no rèbetâ a nouthra pyathe. Du on ketsè, dèvan ha bala yuva, on chè chin piti, ma on chè chin bin è in ya !
Bravô a ti hou dzin ke l’an a kà di mantinyi hou galé chinbole dè nouthron tyinton!
Romain Pittet
Nouvelle croix à la Vudalla
De Enney tout en en-haut, il y a des chalets, des maisons. Et maintenant, une nouvelle croix. Oui, oui, une de plus ! Samedi passé, une équipe de sympathiques personnes ont grimpé la Vudalla pour aller y mettre une croix. Cette montagne bien connue et bien plantée à côté du Moléson en méritait bien une n’est-ce pas ! L’abbé Guy qui donnait la bénédiction à la chapelle de Pringy a rappelé qu’il fut un temps, il y avait déjà une simple croix de bois à la Vuadalla… Après ça, ils ont bâté quelques mulets pour amener la croix et tout ce qu’il faut en-haut. Cette croix a été faite par une équipe de copains qui aiment beaucoup la montagne.
Aujourd’hui, les églises se vident passablement… à raison ou pas… il ne faut peut-être pas mélanger le Bon-Dieu et les « dzanyè » des hommes. Mais même si ça a changé, tout le monde garde un petit quelque chose. Chacun trouve ce qu’il lui convient le mieux. Pour les jeunes, et pas que les jeunes, chacun a un peu son coin pour retrouver de l’énergie et de la force. Une chapelle, un petit oratoire où ils allaient avec leur grand-maman, une forêt en particulier, une montagne,… Tout le monde est content de voir la croix au somment d’un vanil quand tu arrives en haut. Ce symbole est aimé de tous au-delà des croyances. Il représente bien sûr le Bon-Dyu, mais aussi le sommet d’une montagne qui semble nous montrer la limite entre la Terre et le Ciel ; entre ce que l’Homme se croit maîtriser et ce qu’il ne maîtrise pas… La montagne a vite fait de nous remettre à notre place. Depuis un sommet, devant une magnifique vue, on se sent petit mais on se sent bien et en vie !
Bravo à toutes ces personnes qui ont à cœur de maintenir ces jolis symboles de notre canton !
Romain Pittet
