Nouthron gran-pére Jule prenyê dè tin j’in tin ouna korcha d’on kar G.F.M . po chè rindre a Bulo fére kotyè j’inpyètè. Hou dzoua inke, èthê por li tot’ on chèrèmonial, moujâdè- vê, alâ in vela irè pâ rin. Jule chè prèparâvè bin’in tsévanthe. Le tsôtin betâvè cha vithire d’armayi, l’outon chè tsôthè dè frotson avu chon jilè dè Tsêrmê ou chè tsôthè nêre avu cha rouyire d’la mima kolà. Èthê di j’âyon k’amâvè bin portâ, fyê d’ithre vithi din la tradichyon payijanna. Jule modâvè adon ,chon tsapi nê chu la titha, bèrihyè ryondè chu le nâ, cha bala krochèta in man, on cha dè tourichte chu lè j’èpôlè è chin oubyâ cha fidéla konpanye, cha pupa.

Kan irè a poupri l’àra dè prindre l’otobus, nouthron gran chènya chè tinyivè dêrê le karon d’na fenithra, terin la mindra le redyô po vouityi che l’otobus pachâvè ou kontoua dou Tsâno. Adon, èthê le momin dè chayi d’la karâye. Ma tru bi, ti lè kou irè parê, le pouro l’avi fôta  dè chè choladji. Le tin d’alâ chu le trône è dè rèvinyi, l’otobus èthê dza l’èvi. Lorin chon fe, di kou alâvè fére on chunyo ou chôfeu d’atindre duvè menutè. Pyin d’èchyin è amâbyo, le chôfeu atindê ke jule arouvichè. L’avan dza di j’ôrêre, ma pou-t-ithre pâ menutâ kemin ora. Vo j’achuro, l’è on chakré è bi chovinyi. Nouthron gran-pére irè on’omo avinyin, tindro, pèjubyo, on pére -gran in’ouâ.

Gérard Rime Tsêrmê

Dans l’attente d’un autobus

Notre grand-père Jules prenait de temps en temps une course d’un car GFM pour se rendre à Bule faire quelques emplettes. Ces jours-là étaient pour lui tout un cérémonial, pensez-voir, aller en ville c’était pas rien. Jules se préparait bien en avance. L’été, il mettait sa tenue d’armailli, l’automne, ses pantalons de frotson avec son gilet de Charmey ou ses pantalons noirs avec sa blouse de la même couleur. C’était des habits qu’il aimait bien porter, fier d’être vêtu dans la tradition paysanne. Jules partait alors, son chapeau noir sur la tête, lunettes rondes sur le nez, sa belle canne en main, un sac de touriste sur les épaules et sans oublier sa fidèle compagne : sa pipe.

Quand c’était à peu près l’heure de prendre l’autobus, notre grand-papa se tenait derrière le carreau de la fenêtre, tirant la moindre le rideau pour regarder si le bus passait au contour du Chêne. Alors, c’était le moment de sortir de la maison (carrée). Mais trop beau, à chaque fois pareil, le pauvre avait besoin de se soulager. Le temps d’aller sur le trône, le bus était déjà loin ! Lorin, son fils, allait parfois faire un signe au chauffeur d’attendre 2 minutes. Plein de gentillesse et aimable, le chauffeur attendait que Jules arrive. Ils avaient déjà des horaires, mais peut-être pas minutés comme maintenant. Je vous assure, c’est un sacré et beau souvenir. Notre grand-père était un homme avenant, tendre et paisible, un grand-père en or.

Gérard Rime Tsêrmê