Rin dè pye bi tyè ‘na méjon ou ‘na fêrma tota botyatâye! Di bi gèranyon i kolà dè chkarlatè ou di j’ôtrè botyè ke beton in vayà le tinyèmin. Ouna méjon avui lè fenèthri botyatâ bayè dou bouneu, dou dzouyo è bin chur dou travô achebin!

In pachin pê le velâdzo dè Velârabou, kan l’an organijâ lè giron di dzounèche de la Yanna, tyin pyéji l’é jà dè dèkovrâ di balè è grôchè méjon dè payijan, tré totè bin botyatâyè.

Ou dzoua d’ora, on vê pâ mé atan dè fêrmè kemin on yâdzo avui on bi è grô kurti è di botyè bin hyori. Ma kan mimo, n’in chàbrè adi è fâ todoulon pyéji dè vêre chin è admirâ chi bi travô!

Li a duvè chenannè, chu jou trovâ me n’êmi Paul ke travayè ‘na vouêrba kemin tsapouè din le Tirol ôtrichyin. Tyinta bala kotse! Di balé montanyè, di bi tsalè è di dzin ke châvan danhyi è fithâ! Din ‘na fitha dè velâdzo, ti lè dzouno danhyivan chu le pon. Din on kabarè dè montanye, la patrena dè vouètantè-thin-k’an vinyivè chaluâ lè trâbyè avui cha guitàre; bin vuthu dè chon “dirndl”.

Lé achebin, lè méjon chon bin botyatâyè. Ha fêrma n’in vayê la pêna! È vo pouédè apèchouêdre ‘na chouârta dè piti hyotyi chu le tê k’on rètràvin chu totè lè méjon. Typisch Tirol!

Servus!

Romain Pittet

Tout fleuri

Rien de plus beau qu’une maison ou une ferme toute fleurie ! Des beaux géraniums aux couleurs écarlates ou d’autres sortes de fleurs qui mettent en valeurs ces bâtiments. Une maison avec la façade fleurie donne du bonheur, de la joie et bien sûr du boulot aussi!

En passant par le village de Villaraboud, quand ils ont organisé les girons des jeunesses glânoises, quel plaisir j’ai eu de découvrir de belles et grandes maisons de paysans, toutes bien fleuries.

Aujourd’hui, on ne voit plus autant de fermes comme à l’époque avec un beau et grand jardin et des botyè bien fleuris. Mais il en reste tout de même encore et ça fait toujours plaisir d’admirer ce beau travail!

Il y a 2 semaines, j’ai été rendre visite à mon ami Paul qui travaille un moment comme charpentier dans le Tirol autrichien. Quelle belle région! Des belles montagnes, de beaux chalets et des gens qui savent danser et fêter! Dans une fête de village, tous les jeunes dansaient sur le pont, Dans un restaurant de montagne, la patronne de 85 ans passait saluer les tables avec sa guitare; bien habillée de son dirndl.

Là-bas aussi, les maisons sont bien fleuries. Cette ferme en valait la peine! Et vous pouvez apercevoir une sorte de petit clocher sur le toit qu’on retrouve sur toutes les maisons. Typisch Tirol!

Servus!

Romain Pittet