La chajon avanhyivè trintyilamin outoua dè chi tsalè in Grevire. Vê la mi-ou vouètantè-chate, i chinbyâvè ke l’outon irè pâ bin yin. On matin, adon ke l’armayi fournechê dè trintchi, i j’alintoua dè ondz’àrè, chu le pâ de la pouârta dè l’aryà, l’a apêchu on galé tsamo chu lè tsô de la Din dou Fu…

Apri goutâ, le tin ch’inbrontchivè è le fretyi dè montanye chè dèchidè è ch’inmodè vê la galéja bèthèta. Dè rètoua ou tsalè avui le tsamo, le dèpyôtè è le betè bin adrê din on dyètso po le lathi a la tsanbra. Po bin le katchi, l’a betâ on fonthè a grevire dèchu le dyètso avui ‘na mota dè fre…

Le lindèman matin, apri trintchi, tinke ke kôkon fyê a la pouârta dou trintsâbyo. Tyinta chorèprêcha! Irè le gârdo avui chon byo-frârè k’irè gabelou. Apri avi batayi on bokon dè to è dè rin, l’an vijitâ le tsalè è bin chur chon arouvâ a la tsanbra a lathi. L’armayi moujâvè a chon tsamo din le dyètso… L’è adon ke l’a dèchidâ d’ourâ ‘na botoye po l’apèrô è fére chindâ avui chè dou j’invelè chu le grevire yô rèpojâvè, in dèjo, la tsê. Apri avi bê kartèta chu le fre, le gârdo è le gabelou, to kontin d’avi pu prindre l’apèrô din ha bala kotse l’an kontinuâ lou tsemin. Lè dzoua d’apri, djêmé on tsamo l’è jou atan aprèchyâ è bon!

Tinke ouna galéja gougenèta k’on êmi dè mon pér’gran m’avi kontâ.

Fô dre k’ou dzoua d’ora, chi brâv’armayi chè tin ou payi di karibou yô lè bithè mankon pâ. I l’âmè adi bin alâ a la tsathe è vêr li, adi ora, to le mondo l’è binvinyê po bêre kartèta!

Romain Pittet

L’apéro du garde

La saison avançait tranquillement autour de ce chalet en Gruyère. Vers la mi-août 87, il semblait que l’automne n’était pas bien loin. Un matin, alors que l’armailli finissait de fabriquer, aux alentours de 11 heures, sur le pas de la porte de «l’aryà», il a aperçu un joli chamois sur les flancs de la Dent du Feu…

Après dîner, le temps se gâtait et le fromager de montagne se décide et se met en route vers la jolie petite bête. De retour au chalet avec le chamois, il le dépeça et le mis bien soigneusement dans un dyètso (baquet) pour le lait à la chambre. Pour le cacher, il a mis un foncet à gruyère dessus le dyètso et une meule de fromage…

Le lendemain matin, après avoir fabriqué, voilà que quelqu’un tape à la porte. Quelle surprise! C’était de le garde-faune avec son beau-frère qui était gendarme. Après avoir bataillé un peu de tout et rien, ils ont visité le chalet et bien sûr qu’ils sont arrivés à la chambre à lait. L’armailli pensait à son chamois dans le dyètso… C’est alors qu’il a décidé d’ouvrir une bouteille pour l’apéro et faire chindâ avec ses deux invités sur le gruyère où reposait, en dessous, la viande. Après avoir bu «kartèta» sur le fromage, le garde et le gendarme, tout contents d’avoir pu prendre l’apéro dans ce bel endroit ont continué leur chemin. Les jours d’après, jamais chamois ne fut autant apprécié et savoureux!

Voici une sympathique histoire qu’un ami de mon grand-papa m’a racontée.

Il faut dire qu’aujourd’hui, ce brave armailli se tient au pays des Caribous où les bêtes ne manquent pas. Il aime toujours bien aller à la chasse et chez lui, encore aujourd’hui, tout le monde est le bienvenu pour boire l’apéro!

Romain Pittet