Vo le chédè achurâ, La Rotse l’è on velâdzo yô lè tsavô è le patê li chon chobrâ pye grantin tyè din lè j’ôtro. D’ayeu, in arouvin a La Rotse, la kemouna porê betâ on panô “Atinhyon Tsavô” dèkouthè chi di j’infan. L’è vré ke kan on krijè di tsavô chu la route, fô chè bayi achyin a pâ pachâ tru rido è chuto pâ betâ di gaz dri apri.
A La Rotse, on mache dè payijan vouêrdon adi di tsavô. L’è j’inpyêyon adi on bokon, l’è j’apyêyon è lè monton. Tantyè din l’è j’an dou-mil, alâvan adi tsêrèyi le bou din lè dzà. Prà dè tsemin ke chon ou dzoua d’ora inpyèyi pê lè promeneu iran a la bâja po tsêrêyi le bou. Ora, chevin yô, on pou pâ mé pachâ avui di tsavô a kouja di pon rèfê a la lardjà d’on omo.
La dzounèche dè La Rotse l’a markâ to le mondo, chti an, avui chon mé tyè bi tsê i rinkontrè di dzounèche gruvèrênè a Vuadin. Dèvan, di tsavô fê mimo ke chinbyâvan ithre vretâbyo d’on tro yin. Po le premi dou mi d’ou, kemin dè kothemè, la chochyètâ di dzouno rèpâchè avui chon tsê ou kortéje. Chti kou, l’avan apyèyi katro tsavô ke medzon on bokon mé dè fin tyè lè dou premi. Ôtyè dè bi a vêre! Fô dre ke ti lè tsê chon todoulon teri pâ di tsavô. Rin dè trakteu. Chin l’è bi ! Ouna galéja tradihyon dè chi velâdzo ke l’a totèvi betâ in èvan le tsavô, ha galéja bithe ke l’a chèkondâ l’Omo derin di milènéro. Romain Pittet
Les chevaux de La Roche
Vous le savez sûrement, La Roche est un village où les chevaux et le patois y sont restés plus longtemps qu’ailleurs. D’ailleurs, en arrivant à La Roche, la commune pourrait mettre un panneau « Attention chevaux » à côté de celui des enfants. C’est vrai que quand on croise des chevaux sur la route, il faut se donner attention à ne pas passer trop vite et surtout ne pas mettre de gaz droit après.
A La Roche, beaucoup de paysans gardent encore des chevaux. Ils les emploient encore un peu, les attellent et les montent. Jusque dans les années 2000, ils allaient encore charrier le bois dans les forêts. Beaucoup de chemins qui sont aujourd’hui utilisés par les promeneurs étaient à l’origine pour charrier le bois. Maintenant, suivant où, on ne peut plus passer avec des chevaux à cause des ponts refaits à la largeur d’un homme.
La jeunesse de La Roche a marqué tout le monde, cette année, avec son magnifique char aux RJG à Vuadens. Devant, des chevaux « faits même » qui semblaient en être de véritables d’un bout loin. Pour le 1er août, comme de coutume, la société de jeunesse repasse avec son char au cortège. Cette fois, ils avaient attelé 4 chevaux qui mangent un peu plus de foin que les premiers. Quelque chose de beau à voir ! Il faut dire que tous les chars de ce cortège sont tirés par des chevaux. Pas de tracteur. Chin l’è bi ! Une belle tradition propre à ce village qui a toujours mis en avant le cheval, ce bel animal qui a secondé l’Homme durant des millénaires. Romain Pittet