Lé-hô, din lè tsalè, chu nouthrè montanye, le fu l’a tsantâ è krejenâ to le tsôtin din lè krà di hyindrè, lè krà di mourè, in léchin ètsapâ la foumêre bleuve dè lou bouârnè. L’outon arouvè, adon l’è momin dè to rèvoudre, le tin d’la rindya l’a chenâ.

Dechando vint’è-vouète dè chaptanbre, èthê la karant’è thintyima rindya dè Tsêrmê. L’è déjo na pyodze batanta ke hou bi tropi l’an markâ lou pachâdzo din nouthron bi velâdzo. No puin adrèhyi on grô  mèrthi è on bi l’omâdzo a ti lè j’armayi, a ti lè dzouno, bouébo è fiyètè, chin oubyâ lè pye piti bin nipâ din lou kochtume. La mujika, l’Edelweiss l’a ourâ la fitha, chyèvu pè on tropi dè tchivrè, ouna parada dè viyo trakteu è pu lè chate tropi.

Dzin è bithè vinyon dè pachâ katro mê a l’alpâdzo. Lè fretê l’an trintchi châdzemin vouèrdan todzoua lou chèkrè. Tyè di balè motè chon chayête di tsoudêre, di balè patinè dorâye, la fyèrtâ dou Grevire.

Môgrâ to, ha rindya l’è chobrâye purèta ,ma din mon kà l’avé le mindre mô, la pyodze l’è tsejête tota la dzornâye, adon rèchpè è on fyê kou dè tsapi ou dzin d’la montanye. Gérard Rime a Tônon Tsêrmê

Charmey et sa désalpe

Là-haut, dans les chalets, sur nos montagnes, le feu a chanté et crépité tout l’été dans les creux de cendres, les creux des murets, en laissant échapper la fumée bleue de leurs bornes. L’automne arrive, alors c’est le moment de tout réduire, le temps de la désalpe a sonné.

Samedi 28 septembre, c’était la 45e désalpe de Charmey. C’est dessous une pluie battante que ces beaux troupeaux ont marqué leur passage dans notre beau village. Nous pouvons adresser un grand merci et un bel hommage à tous les armaillis, à tous les jeunes, garçons et filles, sans oublier les plus petits bien nappés dans leurs costumes. La musique l’Edelweiss a ouvert la fête, suivie par un troupeau de chèvres, une parade de vieux tracteurs et les 7 troupeaux.

Gens et bêtes viennent de passer 4 mois à l’alpage. Les fromagers ont fabriqué sagement gardant toujours leurs secrets. Que des belles meules sont sorties des chaudières, de belles croûtes dorées, la fierté du Gruyère.

Malgré tout, cette désalpe (rendue) est restée pure, mais dans mon cœur, j’avais le moindre mal, la pluie est tombée toute la journée, alors respect et un fier coup de chapeau aux gens de la montagne. Gérard Rime à Tônon, Charmey