La fin dè chenanna pachâye, la chochyètâ dè dzounèche dou Granvelâ l’a fithâ chon thantyimo anivèrchéro ! Du than t’an, lè dzouno dou velâdzo chè rètràvon por organijâ di chayêtè, di j’aktivitâ po la kotse è chuto po partadji di bounè vouêrbè inthinbyo è kurtiyi l’amihyâ.
Duvè vèyè è on bankè le dechando a midzoua. Prou mondo l’è vinyê medji. Lè minbro fondateu iran èchkujâ ma ôtramin, to le velâdzo l’a partichipâ a ha bala fitha. Lè dzounèchè di j’alintoua l’an achebin dzuyê le dju.
Di balè foto chon j’ou mothrâye è ouna boun’anbiyanthe l’a rèdzoyi to le mondo. Le chindike è le prèjidin dè pèrotse l’an rèlèvâ l’importanthe di dzouno din le velâdzo è to le travô monchtro ke fan atan po la kemouna tyè po la pèrotse. L’an rapèlâ kotyè chovinyi kemin lè chayêtè d’on yâdzo yô moncheu l’inkourâ irè din la binda. Kan iran in korcha dè dou dzoua, i dejê la mècha la demindze matin din l’ôtèl. Ou dzoua d’ora, krêyo ke lè dzouno dyon la mècha mimo… Le chindike l’a achebin inkoradji la dzounèche a référe on kou lè rinkontrè ke l’avan organijâ po le dêri kou in dou-mil-trè.
Ou Granvelâ, lè méjon chon jou bâti charâyè è on achin ke lè dzin chè konyon è ke partichipon a la ya dou velâdzo. Kemin vo pouédè le yêre, in patê on di onko « ou » Granvelâ è pâ « a ». Chin l’è di richto d’on yâdzo yô on dèvejâvè dinche din le viyo franché achebin.
Chin ke li a dè bi din ‘na chochyètâ dè dzounèche, l’è dè vêre to chi mondo ke l’a bayi on bokon dè chon tin è dè cha nyêrga po dè l’amihyâ è dou partâdzo. Tsakon l’è dè pachâdzo è l’a idji a portâ on tro pye yin la chochyetâ. È vê lè bourata-tsa, chin fâ gayâ than t’an ke durè !
M’in vé bohyâ me n’artikle in dejin k’on pou fèlichtâ ti hou dzouno po ha bala fitha ; l’è ora avui là ke l’è than t’an a vinyi l’an keminhyi ! Romain Pittet
Des jeunes de (du) Grandvillard
La fin de semaine passée, la société de jeunesse de Grandvillard a fêté son centième anniversaire ! Depuis cent ans, les jeunes du village se retrouve pour organiser des sorties, des activités pour la région et surtout pour partager de bons moments ensemble et cultiver l’amitié.
Deux soirées et un banquet le samedi à midi. Beaucoup de monde sont venus manger. Les membres fondateurs étaient excusés mais autrement, tout le village a participé à cette belle fête. Les jeunesses des alentours ont également joué le jeu.
Des belles photos ont été montrées et une bonne ambiance a réjoui tout le monde. Le syndic et le président de paroisse ont relevé l’importance des jeunes dans le village et tout le travail conséquent qu’ils font autant pour la commune que pour la paroisse. Ils ont rappelé quelques souvenirs comme les sorties de l’époque où monsieur le curé était de la partie. Quand ils étaient en course de deux jours, il disait la messe le dimanche matin à l’hôtel. Au jour d’aujourd’hui, je crois que les jeunes disent la messe même… Le syndic a également encouragé la jeunesse à refaire un jour les RJG qu’ils avaient organisé pour la dernière fois en 2003.
Au Grandvillard, les maisons ont été bâties serrées et on sent que les gens se connaissent et qu’ils participent à la vie du village. Comme vous pouvez le lire, en patois on dit encore au Grandvillard et non « à ». Ce sont des restes d’un temps où l’on parlait comme ça dans le vieux français aussi.
Ce qu’il y a de beau dans une société de jeunesse, c’est de voir tout ce monde qui a donné un peu de son temps et son de son énergie pour de l’amitié et du partage. Chacun est de passage et a aidé à porter la société un peu plus loin. Et chez les « bourata-tsa », ça fait passé 100 ans que ça dure !
Je m’en vais conclure mon article en disant que l’on peut féliciter tous ces jeunes pour cette belle fête ; c’est aujourd’hui avec eux que les 100 ans à venir ont commencé ! Romain Pittet