On dzoua, on pére è chon fe l’an pachâ mé d’oun’àra din lou banka, le pére dèvechê fére on tranchfê d’êrdzin. Le tin pachâvè, chon fe inpahyin è prèchâ, pâ kontin d’atindre, le règâ veri vê chon chènya , li di, la mindr’agachi : pére portyè ne porin pâ aktivâ la banka in linye ? le chènya li a rèbrekâ ! ma portyè i fari dinche ? È bin, li rèpon chon fe, ou mintè t’ari pâ fôta dè pachâ mé d’oun’àra a la banka po fére ton tranchfê è pu te pori mimo fère tè j’inpyêtè achebin in linye, adon cherè fachilo, te pori prindre on kour  internet ! Le pére li di ! akuta, che féjo chin, è bin i chayethri pâ mé  d’la méjon. Ma na li di chon fe, apri èchplikachyon, te pori mimo dèmandâ la levrèjon a dèmara chê pê le magajinyé dou velâdzo ou achebin pê Amazon kô ch’okupon dè to tè livrâ apri kemanda. La rèponcha dou fe l’a léchi chon pére chin vouê. Apri on momin dè tyêja, le pére rèprin…akuta, t’â bin yu, du ke chu arouvâ inke l’é rinkontrâ katro dè mè j’êmi è l’é pârlèmintâ on momin avu lè komi  d’la banka, l’é proumatêre dè tin , âmo bin la pâ chochâbya, le pyéji dè rètrovâ di j’êmi. Vi-tho ,mon fe, i l’y a dou j’an,chu tsejê malâdo. Le propriyètéro d’la bouteka a kô adzetè fretè, kurtiyâdzo è ôtrè tsoujè, l’è vinyê mè vêre, ma tinyi konpanyi è chuto prindre dè mè novalè. È pu kan ta mére l’è tsejête, i l’y a kotyè dzoua, derin cha chayête matenêre, nouthron magajinyé l’a yu, to tsô l’a prê chen’oto po l’akonpanyi tantyè a la méjon. Adon vi-tho, che to dèvin in linye por mè, l’ari pâ mé ha totse umêna, portyè vudri-the mè forhyi d’aji dèvan mon ordinateu ?  Âmo aprindre a konyêthre lè pèrchenè a kô l’é afére, pâ cholamin lè vindyà. Choche, di lin chè rèalijon, di dichkuchyon avu di bon rapouâ umin. Ora,è-the k’Amazon l’è kapâbyo dè levrâ parê. Lè novalè tèknike, rin dè bon po la ya, l’è toparê mi dè pachâ dou tin avui lè dzin, pâ cholamin dêrê di j’èkran. Djirâ Rime Tsêrmê

Un père et son fils à la banque

Un jour, un papa et son fils ont passé plus d’une heure dans leur banque, le père devait faire un transfert d’argent. Le temps passait, son fils impatient et pressé, pas content d’attendre, le regard tourné vers son père, lui dit la moindre agacé : papa pourquoi ne pourrions-nous pas activer la banque en ligne ? Le père lui répond : mais pourquoi je ferais comme ça ?  Eh bien, lui répond son fils, au moins tu n'auras pas besoin de passer plus d'une heure à la banque pour faire ton transfert et puis tu pourras même faire tes emplettes aussi en ligne, alors ça sera facile, tu pourras prendre un cours internet!  Le père lui dit : écoute, si je fais ça, eh bien je ne sortirai plus de la maison. Mais non, lui dit son fils après explication, tu pourras même demander la livraison par le magasinier du village ou aussi par Amazon qui s’occupe de tout livrer après commande. La réponse du fils l’a laissé sans voix. Après un moment de silence, le papa reprend : écoute, t'as bien vu depuis que je suis arrivé ici, j'ai rencontré 4 de mes amis et j'ai parlé avec le commis de la banque. J'ai beaucoup de temps, j'aime bien la part sociale, le plaisir de retrouver les amis… Vois-tu mon fils, il y a 2 ans, je suis tombé malade. Le propriétaire de la boutique à qui j'achetais les fruits, les légumes et les autres choses est venu me voir, m’a tenu compagnie et surtout pris de mes nouvelles. Et puis quand ta maman elle est tombée, il y a quelques jours, durant sa sortie matinale, notre magasinier a vu tout de suite, il a pris son auto et il l'a accompagnée jusqu'à la maison. Alors vois-tu, si tout devient en ligne pour moi, je l'aurai plus la touche humaine. Pourquoi voudrais-tu me forcer d'aller devant mon ordinateur? J'aime apprendre à connaître les gens à qui j'ai affaire, pas seulement les vendeurs. Comme ça, des liens se réalisent ce sont des discussions avec des bons rapports humains. Maintenant, est-ce que Amazon est capable de livrer pareil ? Certaines nouvelles techniques, rien de bon pour la vie, c'est quand même mieux de passer du temps avec des gens et pas seulement derrière des écrans. Gérard Rime Charmey