Din ti nouthrè velâdzo, li a di amô, di patelin, di kâro dè méjon, dè fêrmè ke fouârmon di piti velâdzo. On yâdzo, n’in d’a achebin k’iran di vretâbyè kemounè ou parotze.
Vo j’ithè prou chur dza pachâ pê le Bri. L’outon, pêr lé, i achin bon la frete ! D’ayeu, la dichtilèri l’a ourâ chè pouârtè dechando pachâ. L’an akuyi on mache dè mondo è l’an prê fêrmo pêna a mothrâ lou badyè, a fére agothâ lou chpèchyalitâ è bin chur dèvejâ avui lè dzin è portyè pâ avui on piti kretchu. Avui chi tin rèvintâ, l’è vré k’on bokon dè brè fâ rin dè mô pê la gardyèta ! Le Bri, le brè… gayâ parê a ‘na lètra prè !
Che vo montâdè on tro pye hô, vo j’alâdè arouvâ a Velâ d’Âvri. Inke chè tràvon bin pyantâyè kotyè fêrmè è ‘na tsapala. Li a adi duvè famiye ke travayon la kanpanye lé amon. Li a dè chin on pâr dè j’an, Velâ d’Âvri irè ‘na kemouna. Alâvan kolâ chu lè hô d’Âvri yô li avê ‘na fretyire. Fâ dza grantin ke l’an fujenâ avui le Bri ma le non dè ha kotse l’è chobrâ.
Che vo vo promenâdè pê lé amon, vo pouédè rèdjindre le dzubyâ in pachin chu Âvri ou achebin in pachin pê l’Ètruva. Ouna galéja kotse ou mitin de la natura, di prâ, di dzà è di j’adzè. Romain Pittet
Villars d’Avry
Dans nos villages, il y a des hameaux, des petits coins de maisons, des fermes qui forment de petites entités. A l’origine, il y en a qui étaient de véritables communes ou paroisses.
Vous êtes sûrement déjà passés par le Bry. L'automne, par là-bas, ça sent bon les fruits ! D'ailleurs la distillerie a ouvert ses portes samedi passé. Ils ont accueilli du monde en masse et ils ont pris la peine de montrer leurs outils, faire goûter leurs spécialités et bien sûr échanger avec les gens et pourquoi pas avec un petit « kretchu ». Avec ce temps refroidi, c'est vrai qu'un petit peu de « Brè » ne fait rien de mal par la gardyèta. Le Bry, le brè… presque pareil à une lettre près !
Si vous montez un petit bout plus haut, vous allez arriver à Villars d'Avry. Ici se trouvent bien plantées quelques fermes et une chapelle. Il y a encore 2 familles qui travaillent la campagne là-bas en haut. Il y a de ça pas mal d'années, Villars d'Avry était une commune. Ils allaient couler sur les hauts d'Avry où il y avait une fromagerie. Ça fait déjà longtemps qu’ils ont fusionné avec le Bry mais le nom de l'endroit est resté.
Si vous vous promenez par là-haut, vous pouvez rejoindre le Gibloux en passant sur Avry ou également en passant par l'Ètruva. Un joli coin de pays au milieu de la nature, des prés, des forêts et des haies. Romain Pittet