Tsalandè : tyin galé mo po dre « Noël » in patê. Li a dza on an dè chin, vo j’é kouâ prà dè lumyére è dè fôri po Tsalandè. Tyè dè mi tyè dè li rèmoujâ ? L’é vré k’on fôri kothè min tyê tyè l’èlèktrichitâ è i bayè mé dè lumyére ! Adon portyè pâ n’in bayi outoua dè chè ?

Ch’abadâ dou divan, chayi fro, kriji kôkon k’on konyè ou bin mimamin k’on konyè pâ è li dre bondzoua… Vouéro dè kou on pâchè chin rin chè dre… in verin la titha, in vouètin chè pi… Damâdzo ! Bin chur ke li a di dzoua yô no chin pâ ache bin tyè di j’ôtro ma… moujâdè : pout-ithre k’on dzoua no van kriji kôkon ke l’è pâ tru bin, trichto, inradji, dèkoradji,… è chi dzoua inke, chin le chavê, chin le konyèthre, vo li ditè djuchto bondzoua avui on bi fôri ! È bin pout-ithre ke vouthron fôri l’arè bayi dou dzouyo è dou korâdzo a ha dzin ke pachâvè !

Fô pâ oubyâ ke no chin betâ chu Têra djuchto po ‘na vouèrbèta. Inke dèvan, no chin ti parê. Adon l’è a no dè fére dè nouthra ya, ouna ya bèniràja, bala è pyêna dè dzouyo è d’amihyâ. Di kou, chin chè rindre konto, on vê tyè chin ke va pâ… on fâ tyè dè kritikâ è batayi chu ti è chu to… ma lèvâdè lè j’yè, fédè dou pâ in arê è vouityidè vouthra ya d’oun’ôtra fathon. Li a chur pâ tyè dou pou. Adon, po Tsalandè, portyè pâ pyakâ dè vouityi cha ya dè grébo è chè rindre konto dè to chin ke va bin !

No j’ôtro, din nouthron piti payi, no j’an la tsanthe monchtra dè povê pachâ Tsalandè in Pé : l’è pâ tyè di parolè, l’è dou vretâbyo !

Le bouneu l’è pâ dèpindin dè chin ke no j’an ou dè chin ke no j’an pâ, ma chinpyamin dè nouthra fathon dè moujâ.

In Pé è in tot’amihyâ, bon è bi Tsalandè a vo totè è ti. Romain Pittet

L’amitié de Noël

« Tsalandè » : quel joli mot pour dire Noël en patois. Il y a déjà une année, je vous souhaitais beaucoup de lumière et de sourires pour Tsalandè. Quoi de mieux qui d’y repenser ? C’est vrai qu’un sourire coûte moins cher que l’électricité mais donne plus de lumière ! Alors pourquoi ne pas en donner autour de soi ?

Se lever du canapé, sortir à l’extérieur, croiser quelqu’un qu’on connaît ou même que l’on ne connaît pas et lui dire bonjour… Combien de fois on passe sans rien se dire… en tournant la tête, en regardant ses pieds… Dommage ! Bien sûr qu’il y a des jours où l’on est pas aussi bien que des autres mais… pensez : peut-être qu’un jour on va croiser quelqu’un qui n’est trop bien, triste, fâché, découragé, … et ce jour-là, sans le savoir, sans le connaître, vous lui dite juste bonjour avec un beau sourire ! Et bien peut-être que votre sourire aura donné de la joie et du courage à cette personne qui passait !

Il ne faut pas oublier que nous sommes mis sur Terre juste pour un petit moment. Là devant, nous sommes tous pareils. Alors c’est à nous de faire de notre vie, une vie heureuse, belle et pleine de joie et d’amitié. Parfois, sans se rendre compte, on ne voit que ce qu’il ne va pas… on ne fait que critiquer et batailler sur tous et sur tout… mais levez les yeux, faites 2 pas en arrière et regardez votre vie d’une autre façon. Il n’y a certainement pas que du mauvais. Alors pour Noël, pourquoi ne pas arrêter de regarder sa vie de travers et se rendre compte de tout ce qu’il va bien !

Nous autres, dans notre petit pays, nous avons la chance immense de pouvoir passer Noël en Paix : ce ne sont pas que des paroles, c’est du réel !

Le bonheur ne dépend pas de ce que l’on a ou de ce que l’on n’a pas, mais uniquement de notre façon de penser.

En Paix et en toute amitié, bon et beau Noël (Tsalandè) à vous toutes et tous. Romain Pittet