L’ôtri, in yêjin la Grevire, chu tsejê chu on artikle ke m’a bayi l’èpâhyo dè m’inbourdiyi. Inke chin ke dyejê :
Lè T.P.F l’an on pyan po ke lou trin fachichè trè menutè dè min du Bulo tantyè a Remon è chin, kothèrè mé dè vouètant’è chê million dè fran. Mè tapo le ku bâ dè rire kan i moujo a vouéro kothèrè la menuta. Ma portyè volê alâ totèvi pye rido ? Dza gayâ prà dè dzin, èthrintè pê le pochyin dè lou travô, chè rètràvon a l’èptô po chè fére a chonyi d’on katêrlo. Chin ke l’è chur, l’è ke le mondo verè dè pye j’in pye rido è ke lè dzin l’an pâ mé liji dè chè dre bondzoua nè dè chè dèvejâ. Ma chôpyé, pyakâdè ! Cherê-the pâ le momin dè charâ la mèkanike ?
L’i a adi ôtyè ke mè turlupinè, l’è ke po fére chi novi trachi d’a pou pri on kilomêtre pye kour, van pyantâ ou mitin di prâ, di kolondè in bèton po fére a pachâ la novala linye chu on « viaduc », le pye gran dou payi kemin i dyon in chè gonhyin d’orgouè. Ma, an-the moujâ i pourè vatsè ke dèvethron chè touâdre le kotson po gugâ pachâ le trin ? Bon, d’akouâ, a la vitèche avui la tyinta la toupa modè ou dzoua dè vouè, pourè bithè ! Lou chàbrèrè dyora rintyè la lena po chè gouèrnâ.
Kan mima ouna pitita moujâye po no j’ôtro : Puchke l’an atan d’êrdzin, portyè pâ fére di tikè a demi-pri po lè rintê A.V.S ? Bèrnâ Chaney
Mais… mais… mais tout de même
L’autre jour, en lisant La Gruyère, je suis tombé sur un article qui m’a donné l’occasion de me tordre de rire. Voilà ce qui était écrit :
Les T.P.F. ont un plan pour que leur train fasse 3 minutes de moins de Bulle à Romont et cela coûtera plus de 86 millions de francs. Je me tape le derrière parterre de rire lorsque je pense à combien coûtera la minute. Mais pourquoi vouloir aller toujours plus vite ? Déjà bien assez de gens, angoissés par le souci de leur travail, se retrouvent à l’hôpital pour se faire soigner d’une attaque. Ce qui est sûr, c’est que le monde tourne de plus en plus vite et que les gens n’ont plus le temps de se dire bonjour ni de se causer. Mais, s’il vous plait, arrêtez ! Ne serait-il pas le moment de freiner ?
Il y a encore quelque chose qui m’agace, c’est que pour faire ce nouveau tracé d’à peu près un kilomètre plus court, ils vont planter au milieu des prés, des colonnes en béton pour faire passer la nouvelle ligne sur un viaduc, le plus long du pays comme ils disent en se gonflant d’orgueil. Mais, ont-ils pensé aux pauvres vaches qui devront se tordre la nuque pour regarder passer le train ? Bon d’accord, à la vitesse avec laquelle l’herbe part aujourd’hui, pauvres bêtes ! Il leur restera bientôt seulement la lune pour se nourrir.
Quand même une petite pensée pour nous autres : puisqu’ils ont autant d’argent, pourquoi ne pas faire des billets demi-tarif pour les rentiers A.V.S. ? Bernard Chaney