Po bin keminhyi l’an 2025, fô bin fourni l’an 2024.
Adrèhin nouth’amihyâ a totè lè famiyè ke chon jou din la pêna, totchiè pê la maladi, pê la chèparachyon, on mâlà.
La Granta chètse no j’a pâ oubyâ, l’a éhyorâ tantyè din le komité, bochê, prèjidin, l’é chon pachâ.
Kondolèanthe i famiyè ke l’an pêrdu on proutso.
L’an 2024 l’a achebin jou di bon momin din le kâdro dè l’amikala di patêjan. Le tèâtro dou furi "La Fayêre è lè là"
La fitha di karant’an de la chochyètâ, a la Lijyère a Châlè.
È prà dè bon momin intche-no, din lè rikontrè, l’è fô betâ din la bouêthe di chovinyi.
2025, on novi l’an a dèkrouvâ, on an a bin vivre, prindre dou tin po akutâ, yêre, èkrire, dèvejâ, chuto le patê, chè rèdzoyi di bon momin de la ya.
Ithre cholido po afrontâ lè pachâdzo dè rèbritsè.
On novi l’an, pout-ithre kemin on chondzo, on n’in vê djêmé le bè.
Po 2025, no vo kouâjin to le mèyà, la chindâ, le dzouyo è l’amihyâ a partadji avu lè j’êmi. Ke le patê inpyéchè vouthrè dzornâyè !
Lè grannè di bi botyè dou furi chon dza intrin dè dzèrnâ din la têra.
Bon dzoua dè boun’an a ti , tinyidè-vo dzoyà.
Nouthr’amihyâ a ti.
Le komité di patêjan
Passer le cap vers 2025
Pour bien commencer l’année 2025, il faut bien finir l’année 2024.
Adressant notre amitié à toutes les familles qui sont dans la peine, touchées par la maladie, par les séparations, un malheur.
La grande sèche ne nous a pas oublié, elle a écrémé jusque dans le comité, caissier, président y sont passés.
Condoléances aux familles qui ont perdu un proche.
L’année 2024 a aussi eu des bons moments dans le cadre de l’amicale des patoisants. Le théâtre du printemps « La fayêre è le là ». La fête des 40 ans de la société à la Lisière à Sâles. Et beaucoup de bons moments entre nous, dans les rencontres, il faut les mettre dans la boîte des souvenirs.
2025, une année nouvelle à découvrir, une année à bien vivre, prendre du temps pour écouter, lire, écrire, parler ; surtout le patois, se réjouir des bons moments de la vie.
Être solide pour affronter les passages plus difficiles.
Une année nouvelle, peut-être comme un rêve, on n’en voit jamais le bout.
Pour 2025, nous vous souhaitons tout le meilleur, la santé, la joie et l’amitié a partager avec les amis. Que le patois remplisse vos journée !
Les graines des belles fleurs du printemps sont déjà en train de germer dans la terre.
Bonne Année à tous, tenez-vous joyeux.
Notre amitié à tous.
Le comité des patoisants