Demindze pachâ, l’é dèkrouvâ ‘na novala kothema ke l’avé djamé vèku. Avui ma miya, no chin jou to pri de la Gouglera, in pyêna kanpanye. Ou mitin de la dzà, a Brünisried, li a ‘na tsapala. Ti lè j’an, i fithon Chin-Tônon è fan ouna mècha din ha dzà. Ma irè pâ ‘na mècha kemin lè j’ôtro puchke dzin è bithè iran ti dou lè binvinyê !

Lè dzin chon adon arouvâ in tsavô, a pi avui lou tsin, in tsê avui l’èga ou bin mimamin on mulè apyèyi. Ouna thinkantanna dè tsavô, di tsin è chuto ouna redâye dè dzin iran inke po ha mècha in aleman. Di kouâ di vani è on kà l’an bin chu betâ dou bi din ha vouèrbèta partikuyire. L’inkourâ l’a adon fê on premi chunyo dè krê è inke, prà dè dzin chè chon chinyê. L’inkourâ l’a adon de in rijin ke chi, irè po lè bithè ! N’in d’a rèfê on po lè dzin è apri, èkipâ dè chen’u bènête, l’è jou vê lè bithè po lou bayi la bènèdikchyon. L’a adon rèbrekâ k’irè pâ kemin oun’achuranthe po bithè ma k’alâvè chur rin fére dè mô !

Po fourni, tsakon l’a pu prindre ‘na mouâcha dè pan bènê è la medji ou bin n’in fére a profitâ chè bèthètè.

Tinke ‘na galéja kothema ke chè fâ adi din nouthrè kanpanye. N’in d’a ke l’an profitâ dè chin po fére ouna bouna promnârda.

L’abé Bovè di din ‘na tsanthon ke Dyu bènechè dzin è bithè. Chin ke l’è chur, l’è ke lè bithè l’an atan dè meretè tyè no ! Achurâ ! Romain Pittet

Dieu bénit gens et bêtes

Dimanche passé, j’ai découvert une nouvelle coutume dont j’ignorais l’existence. Avec ma copine, nous sommes allés tout près de la Gouglera, en pleine campagne. Au milieu de la forêt, à Brünisried, il y a une chapelle. Chaque année, ils fêtent Saint-Antoine et font une messe dans la forêt. Mais ce n’était pas une messe comme les autres puisque gens et bêtes étaient tous deux les bienvenus !

Les gens sont alors arrivés à cheval, à pied avec leur chien, en char avec la jument ou même un mulet attelé. Une cinquantaine de chevaux, des chiens et surtout de nombreuses personnes étaient là pour la messe en allemand. Des cors des alpes et un chœur ont bien su égayer ce moment particulier. Le curé a alors fait un premier signe de croix et là, beaucoup de monde s’est signé. Le curé a alors dit en riant que celui-ci : c’était pour les animaux ! Il en a refait un pour les gens et après, équipé de son eau bénite, il a été vers les bêtes pour leur donner la bénédiction. Il a alors répliqué que ça n’était pas comme une assurance bétail mais que ça n’allait sûr pas faire de mal !

Pour finir, chacun a pu prendre une morce de pain béni et la manger ou bien en faire profiter ses animaux !

Voilà une jolie coutume qui se fait encore dans nos campagnes. Il y en a qui ont profité de cela pour faire une bonne promenade.

L’abbé Bovet dit dans une chanson que Dieu bénisse gens et bêtes. Ce qui est sûr, c’est que les animaux ont autant de mérite que nous ! Achurâ ! Romain Pittet