Demikro pachâ, on galé film l’è jou mothrâ ou mujé gruvèrin. Yôdo Dzènà, pachenâ dè montanyè è dè natura du grantin amâvè bin alâ vouityi la Krèachyon amon i Mortê. Di bi botyè, di galéjè bèthètè, ouna yuva a fére dèrotchi lè tsamo,… A l’inmoda di j’an chaptantè, adon ke l’avê outoua dè vint’è thin k’an, l’a jou le bon moujiron dè filmâ la famiye Moran dou Patyi poyi i Mortê. Thinkantè trè j’an apri, tyin dzouyo dè dèkrouvâ ha mèrvèye. Di j’èmâdzè in kolà chu la ya dou tsalè din hou j’an inke. Nè la bâja nè la bàja l’an tsandji, on bokon mé a bré bin chur, ma on achin on bi chavi-fére, la duretâ dou mihyi d’armayi è in mimo tin, to l’amour dè la montanye è di bithè.

Tru galé dè rèvêre di j’èmâdzo k’on in chavi pâ l’ègjichtanthe. Kemin k’an on rètràvè ‘na foto ou bin ‘na kachèta dè no piti, ou bin nouthrè parin è gran-parin… Di trèjouâ ke vâyon la pêna d’ithre bin vouèrdâ.

Nino è chè frârè, Gilbert è Patrice, di dzin bin konyu dè la kotse ke poyon in travê di lâpyo è di kayoutsè di Marindè avui on farmo bi tropi dè tyakè-nêrè. On tropi onko pâ tru krijyê. On vêyê dza ‘na difèrinthe avui l’è kotyè modzè ke l’avan pâ lè mimo takon è lè minbro ke ch’afinâvan on bokenè. Tsardji kemin on mulè : l’è chin ke no j’an konprê in vêyin ha rèmouâye. Lè j’armayi è lè bouébo achebin. Nino l’avê mimamin on charhyo a Grevire, on retse kemin on di, in travê dè li.

Po fourni, ouna bala rindya dèchindâvè chu la pitita route dè Bataye, in krijin di balè j’oto dè chi tin inke. No j’an yu ke l’è pâ du vouè ke lè dzin èpràvon dè forhyi in travê di vatsè avui lou j’oto… Le pon de la Jonye èrè frè fê. In arouvin ou Patyi, du yô on vêyê adi bin le hyotchi dè La Toua, on vê tota la famiye Moran kontinta d’arouvâ. Li avê mimamin Bocus, chi fyê l’armayi barbu k’on ou adi chovin dèvejâ.

La pye bala thêna po fourni ! La rêna dou tropi avui chon bi bochon ke vin ch’abrèvâ ou no è l’è inke k’ouna tchivra, kroyèta ke l’è, profitè d’alâ li medji lè hyà k’iran akrotchi ! Tru galé ! Avui ha vèya, le mujé l’a bin fournê dèvan dè chè référe ouna byoutâ. L’è jou viktime dè chon chukchè è li avê pâ mé ‘na pyathe din chi mujé. Di dzin chon rèmodâ ma le dirèkteu l’a achurâ k’alâvan référe ôtyè ! In to kà, chin ke l’è chure, l’è ke no j’an j’ou la pràva ke lè dzin yêjon adi La Grevire tantyè a la dêrire pâdze ! Romain Pittet

Un monde monstre pour regarder Nino !

Mercredi passé, un joli film a été montré au musée gruérien. Claude Genoud, passionné de montagnes et de nature depuis longtemps aimait bien aller regarder la Création en haut les Mortheys. De belles fleurs, des belles bêtes sauvages, une vue à faire dérocher les chamois, … Au début des années 70, alors qu’il avait autour des 25 ans, il a eu la bonne idée de filmer la famille Morand du Pâquier alper aux Mortheys. 53 ans après, quelle joie de découvrir cette merveille. Des images en couleurs sur la vie du chalet dans ces années-là. Ni la base ni la beuze ont changé (bâja è bàja), un peu plus à bras bien sûr, mais l’on ressent un beau savoir-faire, la dureté du métier d’armayi et en même temps, tout l’amour de la montagne et des bêtes.

Trop joli de revoir des images dont on ignorait l’existence. Comme quand on retrouve une photo ou une cassette de nous petits ou nos parents et grands-parents. Des trésors qui valent la peine d’être bien conservés.

Nino et ses frères, Gilbert et Patrice, des personnes bien connues de la région qui montent à travers les grosses pierres des Marindes avec un très joli troupeau de tachetées-noires. Un troupeau encore pas trop croisé. On voyait déjà la différence entre les quelques génisses qui n’avaient pas les mêmes taches typiques et les membres qui s’affinaient un petit peu. Chargé comme un mulet : c’est ce que nous avons compris en voyant cette remuée. Les armayi et les bouébo aussi. Nino avait même un cercle à fromage en bandoulière.

Pour terminer, une belle désalpe descendait sur la petite route de Bataille, en croisant des belles autos de ces années-là. Nous avons vu que ce n’est pas d’aujourd’hui que les gens essaient de forcer en travers des vaches avec leur voiture… Le pont de la Jogne était frais fait. En arrivant au Pâquier, d’où l’on voyait encore bien le clocher de La Tour, on voit toute la famille Morand heureuse d’arriver. Il y avait même Bocus, ce sacré armayi barbu dont on entend encore souvent parler.

La plus belle scène pour la fin ! La reine du troupeau avec son beau buisson qui vient s’abreuver au bassin et c’est là qu’une chèvre, « kroyèta » qu’elle est, profite d’aller manger les fleurs qui étaient accrochées !

Tru galé ! Avec cette soirée, le musée a bien fini avant de se refaire une beauté. Il a été victime de son succès et il n’y avait plus une place dans ce musée. Des personnes sont reparties mais le directeur a assuré qu’ils allaient refaire quelque chose ! En tout cas, ce qui est sûr, c’est que nous avons eu la preuve que les gens lisent encore La Gruyère jusqu’à la dernière page ! Romain Pittet