Le bouneu l’è din le prâ

En patois
En français

 

 

Pâ tan tyè chin! On dzoua l’é yê din na rèyuva romanda, le konto rindu de l’ôdichyon d’on payijan ke dejê avê moujâ mé d’on kou ou chuichido. Pâ a kouja d’na dèprèchyon, ma ke ora le mihyi dè payijan l’è dèvinyê rijido vêre mimamin inchuportâbyo. Vin ou trint’an in’arê no j’éthan eureu, todzoua è-the k’ora, è l’è bin damâdzo, l’i a chakramin dè tsoujè ke dzuyon kontre no. Le pri dou lathi l’è mijèrâbyo, l’i a onkora na mache dè klacheu è dè rêyémin. Lè pâyèmin dirèkte dêvan ithre argumintâ ou fran pri. Nouthrè payijan kroulon dèjo la paperache è la burôkrachya.Ti hou rêyèmin chon po chèrtin oun’inkôja d’abatèmin ke l’è rin cholitéro, adon pâ bon po lou moral. Oun’ètude fête pê le fèdèral no mothrè ke lè payijan chon tormintâ pê le « burn’out » dou kou dèpye tyè le richto d’la populachyon.

Li a di j’èpàjè ke van léchi tsêre lou fourdâ è modâ a la rètsêrtse d’na mèya ègjichtanthe. Po lè j’omo, chobrâ mâr-cholè chu lè domêne, l’afére dèvin kancha. Le mâla, i fô vindre, moujâdè-vê lou granta trichtèche.

Lè grô dichtributeu, avu lou afriyindàjè publichitâye fan la bala pâ di vikâyè byô è ôtrè. Di galéjè pankârdè bin’in yuva dèvan lou komêrche, inke adon to l’è in pyathe po vindre ouna payijanèri dè chondzo. On pou chè dèmandâ la tchinta pâ l’è rèvinyête ou produkteu. È-the bin inke le bouneu din le prâ ? Prou chur tyè na ! L’è pâ on konto dè féyè ! Damâdzo, dè vêre dèjayâ hou fêrmè dè famiye, yô le payijan konyechê, totè chè bithè pè lou non, l’avi pâ fôta don’ordinateu. Dè nouthrè dzoua, l’induchtri bin prèjinta no vin la payijanèri a lou fathon. Konchomateu, alâdè din lè fêrmè, din lè kâvè, din lè martchi, a la rinkontra dè hou fèmalè è omo ke l’an le rèchpè d’la têra è ke no prèjinton di produi dè kalitâ. Ithre pri dè là, l’è achebin ithre pri d’la natura, chin in vudrè la pêna, vo bayidè dou bouneu a totè hou brâvè dzin ! Gérard Rime a Tônon Tsêrmê.                             

 

Le bonheur est dans le pré

Pas tant que ça ! Un jour j’ai lu dans une revue romande, le compte rendu de l’audition d’un paysan qui disait avoir penser plus d’une fois au suicide. Pas à cause d’une dépression, mais parce que maintenant, le métier de paysan est devenu rigide voir même insupportable. 20 ou 30 ans en arrière, nous étions heureux, toujours est-il que maintenant, c’est bien dommage, il y a sacrément de choses qui jouent contre nous. Le prix du lait est misérable, il y a encore des classeurs et des règlements en masse. Les payements directs doivent être argumentés au franc près. Nos paysans croulent sous la bureaucratie et la paperasse. Tous ces règlements sont, pour certains, une cause de fatigue qui n’est pas solitaire, alors pas bonne pour leur moral. Une étude nous montre que nos paysans sont tourmentés par le burn-out 2 fois plus que le reste de la population.

Il y a des épouses qui vont partir à la recherche d’une meilleure existence. Pour les hommes, rester seul sur leur domaine, devient une situation boiteuse. Parfois, il faut vendre.

Les grands distributeurs, avec leurs publicités alléchantes font la part belle des marques bio et autres. De belles pancartes bien en vue devant les commerces, tout est mis en place pour vendre une paysannerie de rêve. On peut se demander quelle part revient aux producteurs. Est-il bien là le bonheur dans le pré ? Sûrement que non. Ce n’est pas un conte de fées. Dommage de voir disparaître toutes ces fermes de famille où le paysan connaissait toutes ces bêtes par leur nom ; il n’avait pas besoin d’un ordinateur. De nos jours, l’industrie bien présente nous vend la paysannerie à leur façon. Consommateurs, allez dans les fermes, dans les caves, dans les marchés, à la rencontre de ces femmes et hommes qui ont le respect de la terre et qui nous présentent des produits de qualité. Être près d’eux, c’est aussi être près de la nature, ça en vaudra la peine, vous donnerai du bonheur à tous ces braves gens ! Gérard Rime a Tônon Tsêrmê.                             

Catégorie: 

Annonces Emploi

Annonces Événements

Annonces Immobilier

Annonces diverses