Chti an, lè chuiche l’an fê a dèvejâ dè là din le mondo. Mé d’on kou, no j’an rètrovâ on galé triolè chu lè j’ègrâ. Fô dre ke chin i arouvè pâ chovin ! Du dza kotyè j’an, no j’an kotyè novi bon chkieu ke fan di galéjè korchè. Ma chti an, to por on kou, chon gayâ tota ‘na binda ke l’an chayi le gran dju ! Vêre totè hou mèdayè bin meretâye pou bin bayi le fôri i j’amateu dè chki dou payi !
È chin ke fâ pyéji, l’è ke hou dzouno i chan chobrâ chinpyo, chin tru d’orgouè. Nouthron fribordzê Alexis l’a keminhyi chu lè latè amon i Pako è n’in d’è fyê. Franjo ke chàbrè djuchto dè l’ôtra pâ dè Balavouêrda l’a pâ mankâ dè pachâ chon velâdzo avui le trakteu dè chon frârè po mothrâ du yô i vin.
Ti hou j’atlètè chinbyon ithre di kopin ke ch’injénon pâ dè fére la fitha è mimamin dè chè rajâ la bôla po l’okajyon. L’é oyu dre k’irè ‘na viye tradihyon po markâ le kou dè cha premire mèdaye.
L’è pâ du vouè ke lè chuiche no fan a rire : dza dou tin dè Kolonbin ; n’in d’a achurâ ke chè chovinyon.
Chti an, no chin vouèthâ è on pou ithre to benéje d’avi di dzouno, omo è fèmalè ke chan mothrâ lou bi fôri po rèprèjintâ nouthrè kolà din le mondo de la konpètichyon d’evê ! Romain Pittet
Le pays sur le podium
Cette année, les Suisses ont fait parler d’eux dans le monde entier. Plus d’une fois, nous avons retrouvé un beau triplé sur le podium. Il faut dire que ceci n’arrive pas souvent ! Depuis déjà quelques années, nous avons quelques nouveaux bons skieurs qui font de bons résultats. Mais cette année, tout d’un coup, c’est toute une équipe qui a sorti le grand jeu ! Voir toutes ces médailles bien méritées peut bien donner le sourire aux amateurs de ski du pays !
Et ce qui fait plaisir, c’est que ces jeunes sportifs savent rester simples, sans trop d’orgueil. Notre Fribourgeois Alexis a commencé sur les lattes en haut Les Paccots et il en est fier. Franjo qui habite juste de l’autre côté de Bellegarde n’a pas manqué de passer son village avec le tracteur de son frère pour montrer d’où il vient.
Tous ces athlètes semblent être des copains qui ne se gênent pas de faire la fête et même de se raser la tête pour l’occasion. J’ai entendu dire que c’était une vieille tradition pour marquer le coup de sa première médaille.
Ce n’est pas d’aujourd’hui que les Suisses nous font rire : déjà du temps de Collombin ; il y en a sûrement qui s’en souviennent.
Cette année, nous sommes gâtés et on peut être heureux d’avoir des jeunes, hommes et femmes qui savent montrer leur beau sourire pour représenter nos couleurs dans le monde du sport d’hiver ! Romain Pittet