Fâ pâ bon vinyi viyo. Chin l’è ouna réjon k’on intin chovin. E portan, chtou dari j’an n’in dà prà k’arouvon a thant’an. Bin chur ke kan on aproutsè di nonant’an, on pou pâ ch’achurâ d’arouvâ a thant’an. Intrè dou, on pou rinkontrâ bin di j’akro dè chindâ. Li a la ya è la kalitâ dè ya.

Kan on pou pâ mé chobrâ intche-chè, che ne fô pâ tru atindre, on pou intrâ din on EMS. Din hou méjon dè rèpou to le mondo l’è bin chonyi pa di dzin dèvouâ dè rèthèta, ke bayon to le bon dè lou pèrchenè po le konfouâ di j’anhyan.

L’è vré k’avu l’âdzo, tsakon l’a ôtchè ke tsèrgotè. Kan on a adi tota la hyèrtâ dè cha titha on pou ithre kontin. Kan on chè tin adi drê è k’on n’a pâ fôta d’ingojalâ tru dè pèlulè, fô krêre ke va pâ tru mô.

E pu apri, che din cha ya, on n’a pâ fê tru dè krouyètâ è ke l’on a bayi on bokon dè bouneu outouâ dè chè, è k’on krê adi a ôtyè, on dê pouvi trovâ ouna bouna pyathe dè l’ôtra pâ.

In hyêjin La Grevire, no chin chovin chorèprê d’aprindre la mouâ dè kôkon ke no j’an bin konyu. L’è le ka, l’ôtro dzoua, dè Charly Gapany. Dè Charly, l’é pyin dè chovinyi. On è jou a l’ékoula inthinbyo è apri, avu d’ôtro kopin dou velâdzo, no j’an mantinyi nouthr’amihyâ. No j’alâvan ti lè j’an fére on toua dè montanye inthinbyo, è chin l’a derâ, mè krêyo, mé dè thinkant’an. N’irè pâ trichto !

Charly irè bin konyu din la kotse. Kemin chôfeu dè kàr ou GFM, vouère dè chochyètâ l’an jou le piéji de l’avê po lou chayête, è ke l’an pu lou bourdiyi dè rire avu chè gougenète. Vonvon Kolly

Venir vieux

Il ne fait pas bon devenir vieux. C’est une expression qu’on entend souvent. Et pourtant ces dernières années, il y en a beaucoup qui arrivent à 100 ans. Bien sûr que quand on approche des 90 ans, on ne peut pas s’assurer d’arriver à 100 ans. Entre deux on peut rencontrer bien des accros de santé. Il y a la vie et la qualité de vie.

Quand on ne peut plus rester chez soi, et qu’il ne faut pas trop attendre, on peut entrer dans un EMS. Dans ces maisons de repos, tout le monde est bien soigné par des gens dévoués, de formation, qui donnent tout le bon de leur personne pour le confort des anciens.

C’est vrai qu’avec l’âge, chacun a quelque chose qui chicane. Quand on a encore toute la clarté de sa tête, on peut être content. Quand on se tient encore droit, et qu’on n’a pas besoin d’avaler trop de pilules, il faut croire que cela ne va pas trop mal.

Et après, si dans sa vie on n’a pas fait trop de mauvais choses et qu’on a donné un peu de bonheur autour de soi, et qu’on croit encore à quelque chose, on doit pouvoir trouver une bonne place de l’autre côté.

En lisant La Gruyère, on est souvent surpris d’apprendre la mort de quelqu’un qu’on a bien connu. C’est le cas, l’autre jour, de Charly Gapany. De Charly, j’ai plein de souvenirs. On a été à l’école ensemble, et après, avec d’autres copains de village, on a maintenu notre amitié. On allait toutes les années faire un tour de montagne ensemble, et cela a duré, je crois, plus de 50 ans. Cela n’était pas triste.

Charly était bien connu dans la région. Comme chauffeur de car aux GFM, combien de sociétés ont eu le plaisir de l’avoir pour leurs sorties et qui ont pu se tordre de rire avec ses witz.  Vonvon Kolly