(Tèkchte in partya teri dou lêvro « Vallées de la Jogne et du Javro, les sanctuaires » dè Marcel Perret.)

In mil-than karantè-chê, di mouêno-armayi chon vinyê ch’inchtalâ ou Prâ-de-l’Èchê. Ha Kotse irè a non Drosina. Lè mouêno l’an bâti ouna fêrma è chè chon betâ a èchertâ. Lè po chin ke la kotse lè anon Prâ-de-l’Èchê. Lè voyadjà ke vinyan du le Lé Nê, por alâ in Tsarmê, pachâvan pê le Prâ-de-l’Èchê. Ch’arèthâvan po l’ou rèpojâ ou bin po medji pan è fre ou bêre dou lathi, gratiche.

La tsapala dèdiyâ a Chin-Garin l’è j’ou bâtya pê lè mouêno in mil-thinthin chuchantè-chate. L’è j’ou fête in duvè partyè. La nà l’è j’ou ajoutâye pye tâ.

Dedin, no puin admirâ dutrè tablô dè vayà. Chi dou mitin rèprèjintè Chin-Garin è Chin Bèrnâ a dzènà dèvan la Vyèrdze è che n’Infan. La parê ke l’è in dèchu dè l’ouchtâ l’è fête in bou naturèl. On vê achbin Nouthra-Dona intrèmi dè Chinte-Nanèta è Chin-Joachim, chè j’anhyan. Ti hou tablô chon probâbyamin j’ou pin din l’ateyé Bräutigam dè Friboua ou mitin dou djijèvouètchimo chyêkle.

Chin-Garin irè on mouêno ou don multiplo, chuto kemin mêdzo po lè bithè. Apri cha mouâ on l’invokâvè po protèdji è vouêri lè bithè. L’è bin po chin ke lè mouêno dou Prâ-de-l’Èchê l’an prê kemin protèkteu è kemin Patron.

Duran dutrè chyêcle, lè payijan dè la Grevire, dou Payi d’Amon, dou payi dè Friboua, dou Simmental è dou Gesnê chon vinyê ou Prâ-de-l’Èchê po fére a bèni lou bithè pê lè mouêno. Ma piti a piti lè payijan chè chon betâ a medji è a bêre, on bokon tru, tan bin ke l’ofitho rèlidzyà pachâvè ou chèkon pyan ! Lè dinche ke la bènichon dou Prâ-de-l’Èchê l’a keminhyi.

In mil-chathin chaptantè-thin, lè le drame ! Dou j’armayi dè la Chindzena chè chon kouthâ po ouna grahyàja. On, l’è j’ou tchâ ! Lè j’otoritâ dè l’Èglije è le povê dè l’Etha chon intèrvinyê è l’è j’ou la fin dè la bènichon.

Kan la famiye Gatsè l’è vinyête in Tsarmê, l’avê atsetâ lè prâ, lè patchi, la fêrma è la tsapala.

In mil-nouthin nonanta, on infan dou Prâ-dè-l’Èchê pê cha dona, Polon Rime, l’a konchtatâ ke la tsapala chè betâvè a chè dèkalanbrâ dondzèràjamin. La betâ chu pi ouna kotèri dè travô. L’achanyihamin l’a kothâ mé dè douthan-mile fran.

Kotyè j’an pye tâ la famiye Gatsè l’a bayi chi chanktuéro i mouêno d’Ôtaruva. In rèkonyèchanthe, lè mouêno djon ouna mècha pè an, la premire demindze dou mi d’ou, po lè mouâ dè la famiye Gatsè.

Du dou-mile katrouârdze, lè mè ke m’okupo dè l’intrètin dè la tsapala. No j’an rèfê le tê è lè mu, le rinpyathèmin di fenithrè è la pinture.

Por alâ ou Prâ-de-l’Èchè kan on vin du Bulo, djuchto dèvan d’arouvâ ou velâdzo dè Tsarmê, i fô veri à gôtso è alâ to drê. A pou pri chi kilomêtre pye yin, dou than mêtre apri le pon, fô montâ a gôtso è chyêdre la route tintch’a la fêrma dou Prâ-de-l’Èchê. Pâ oubyâ dè dèmandâ ou payijan l’otorijachyon po léchi l’oto. Le pye chinpyo lè dè parkâ l’oto a drête dévan dè montâ a gôtso, dou than mêtre apri le pon.

Bèrnâ Repon Tsêrmê 

Chapelle Saint-Garin du Pré-de-l’Essert.

(Texte en partie tiré du livre « Vallées de la Jogne et du Javro, les sanctuaires » de Marcel Perret).

En 1146, des moines-armaillis sont venus s’installer au Pré-de-l’Essert. Cette région s’appelait Drosina. Les moines ont bâti une ferme et se sont mis à défricher. C’est pour ça que cette région s’appelle Pré-de-l’Essert (Essert voulant dire esserté, défriché). Les voyageurs venant du Lac Noir, pour aller à Charmey, passaient par le Pré-de-l’Essert. Ils s’arrêtaient pour se reposer ou bien pour manger pain et fromage ou pour boire du lait, gratuitement.

La chapelle dédiée à Saint-Garin a été bâtie par les moines en 1564. Elle a été faite en 2 parties. La nef a été ajoutée plus tard.

A l’intérieur nous pouvons admirer quelques tableaux de valeur. Celui du milieu représente Saint-Garin et Saint Bernard à genoux devant la Vierge et son Enfant.  La paroi qui est en dessus de l’autel (le retable) est faite en bois naturel. On voit aussi Notre-Dame entre Sainte-Anne et Saint-Joachim, ses parents. Tous ces tableaux ont probablement été peints dans l’atelier Bräutigam de Fribourg au milieu du dix-huitième siècle.

Saint-Garin était un moine aux dons multiples, surtout en qualité de vétérinaire. Après sa mort, on l’invoquait pour protéger et guérir les animaux. C’est bien pour ça que les moines du Pré-de-L’Essert l’ont pris en qualité de protecteur et de Patron.

Durant quelques siècles, les paysans de la Gruyère, du Pays d’Enhaut, du pays de Fribourg, du Simmental et du Gessney sont venus au Pré-de-l’Essert pour faire bénir leurs animaux par les moines. Mais petit à petit, ils se sont mis à manger et à boire, un peu trop, si bien que l’office religieux passait au second plan ! C’est comme ça que la bénichon du Pré-de-l’Essert a commencé.

En 1775, c’est le drame ! Deux armaillis de la Singine se sont battus pour une bonne amie. L’un a été tué ! Les autorités de l’Eglise et le pouvoir de l’Etat sont intervenus et ça a été la fin de la bénichon.

Quand la famille Gachet est venue à Charmey, ils ont acheté les prés, les pâturages, la ferme et la chapelle.

En 1990, un enfant du Pré-de-l’Essert par sa maman, Paul Rime, a constaté que la chapelle se mettait à se délabrer dangereusement. Il a mis sur pied un groupe de travail. L’assainissement a couté plus de 200'000.00 Fr.

Quelques années plus tard, la famille Gachet a donné ce sanctuaire aux moines d’Hauterive. En reconnaissance, les moines disent une messe par année le premier dimanche d’août, pour les défunts de la famille Gachet.

Depuis 2014, c’est moi qui m’occupe de l’entretien de la chapelle. Nous avons refait le toit, les murs, le remplacement des fenêtres et la peinture.

Pour aller au Pré-de-l’Essert, lorsqu’on vient depuis Bulle, juste avant d’arriver au village de Charmey, il faut tourner à gauche et aller tout droit. A peu près 6 km plus loin, 200 m après le pont, il faut monter à gauche et suivre la route jusqu’à la ferme du Pré-de-l’Essert. Ne pas oublier de demander au paysan l’autorisation de laisser la voiture. Le plus simple est de parquer la voiture à droite avant de monter à gauche, 200 m après le pont.

Bernard Repond, Charmey