Dji j’àrè : le kou lè teri, du la gâre dou Patyi, pachâ katre than korèri ch’inmodon po katouârdzè kilomêtre. On kou fro dou velâdzo, dirèkchyon lè Grandzè in pachin intrèmi di fêrmè. Dza inke, di dzin chon vinyê inkoradji. Ouna premire pitita montâye po rèdjindre Londze-kuva. Inke, on po vêre Rolan Proudzin in trin dè boutekâ outoua dè cha fêrma. On kou pachâ le pon de la Trêma, on prin on piti chindê din la dzà a la ruva dè Kutyèrin. To por on kou, on rèdèchin avô le ryô. On pâchè on piti pontè dèvan dè rèmontâ vê le chindê di pouro. On kou pachâ le kovin de la Pâ-Dyu, tinke no rè chu la route de la Chya. Pâ po gran tin puchke on tsemin no j’atin po rèdjindre le patyi de la Tofêre. I montè balébin, l’è pâ fachilo… di kou on chè dèmandè tyin l’idé no j’an j’à dè ch’inbrigadâ avui chin. Lè premi l’an pâ dèbredâ è korchon adi. L’è j’ôtro l’an keminhyi a martchi di tro.

To por on kou, on galé redzingon dè hyotsètè è dè viye chenayè rèthrànè du la kràja de la Trêma ; l’è le tropi dè Kutyèrin ke ch’inmodè du lè Grôchè-j’Ôlnè tanty’a la Granta-Chitàre. Tyè dè mi po rèbayi nyarga è korâdzo ?

On kou arouvâ ou ketsè de la Chya, on pou prindre on bokon d’ivouè dèvan dè dèvalâ lè kouthè tanty’ou velâdzo. Inke achebin, on mache dè dzin chon vinyê inkoradji. La kadanthe rèprin po rèdèchindre. Fô djuchto chè bayi achyin yô betâ lè pi po pâ roubatâ! Arouvâ on tro d’amon dou velâdzo, on pou dza achoroyi hou k’arouvon a l’arouvâye. Tyin pyéji d’arouvâ ou bè. Brè dè tsô bin chûr ma le chintimin dè chatichfakchyon l’è inke. Le dumidzoua, irè ou toua di j’infan.

Tsakon chon tin. N’in d’a ke chon inke po gânyi, di j’ôtro djuchto po arouvâ ou bè. Pouârtè pâ bin, la korcha l’è jou bala ! Le chèlà irè de la fitha è to le mondo l’a jou dou pyéji ! È pu… la byére irè frètse po to le mondo ! Chin l’è bi !

Bravô a totè lè dzin dou club dou Patyi po la bal’organijachyon dè ha galéja korcha !

La chajon fâ tyè keminhyi !

Romain Pittet

La Chia 1300

10 heures : le coup est tiré, depuis la gare du Pâquier, passé 400 coureurs commencent à partir pour 14 kilomètres. Une fois à l’extérieur du village, direction les Granges en passant au milieu des fermes. Ici déjà, les encouragements sont au rdv avant la première petite montée pour rejoindre Longequeue. Là-bas, on peut croiser Roland Progin en train de boutiquer autour de sa ferme. Une fois passé le pont de la Trême, on prend un petit sentier dans la forêt le long de Cuquerens. Soudain, on redescend vers la rivière. On passe ensuite une petite passerelle avant de remonter vers le sentier des pauvres. Un fois passé le couvent de la Part-Dieu, nous revoilà sur la route de la Chia. Pas pour longtemps puisqu’un chemin nous attend pour rejoindre le pâturage de la Toffeyre. Ça côte pas mal, ça n’est pas facile… parfois on se demande quelle idée nous a pris pour s’embriller là-dedans. Les premiers n’ont pas arrêté de courir. Les autres ont commencé à marcher des bouts.

Tout à coup, un joli refrain de clochettes et de vieilles chenaye résonnent dans le vallon de la Trême ; c’est le troupeau de Cuquerens qui s’en va depuis les Grosses-j’Aulnes jusqu’à la Grande-Cithare. Quoi de mieux pour redonner énergie et courage ?

Un fois arrivé ou sommet de la Chia, on peut prendre un peu d’eau avant de dévaler les côtes jusqu’au village. Là aussi, du monde en masse pour encourager. La vitesse reprend pour redescendre. Il faut juste faire attention où l’on met les pieds pour ne pas « roubater » !

Arrivé un bout d’en haut du village, on peut déjà entendre ceux qui atteignent l’arrivée. Quel plaisir d’arriver à la fin ! Brè dè tsô (trempe de chaud) bien sûr mais le sentiment de satisfaction est là. L’après-midi, c’était le tour des enfants.

Chacun son temps. Il y en a qui sont là pour la gagne et d’autres simplement pour arriver au bout. Porte pas bien, la course fut belle ! le soleil était de la partie et tout le monde a éprouvé du plaisir ! Et puis… la bière était fraîche pour tout le monde ! Chin l’è bi !

Bravo à toutes les personnes du club du Pâquier pour la belle organisation de cette jolie course !

La saison ne fait que commencer !

Romain Pittet