Nouthron tyinton règoyè dè bi mohyi, dè tsapalètè, dè rèpojyà, dè krê dè totè chouârtè po ti lè tsemin… Tsakon l’a cha pitita kotse po chè rèkuyi. Ma chi patrimouâne : l’a-the on avinyi vêr no ?

On pou chè pojâ la tyèchon ou bin panyi li moujâ, ma chin ke l’è i l’è ; ha kouêrla l’a dza totchi to l’Europe è mimamin l’Amèrike : lè mohyi chè vudyon. Adon, tyè fére ? chobrâ lè j’yè hyou ? Ou bin chè dèpityêrnâ è moujâ a dèman ?

Ou dzoua d’ora, tsakon l’è libro dè krêre a chin ke li fâ dou bin. Chin vou pâ a dre ke lè dzin l’an min dè chpiritualitâ. Lè moudè l’an tsandji. Ma le patrimouâne rèlidzà dè nouthron payi l’è inke è on keminhyè a chè pojâ la tyèchon du l’utilitâ ke poran avê lè mohyi ke kothon balébin tyê a intrètinyi.

No chin pâ lè premi. Ou Québec, Dyu châ che li a di bi mohyi. Ma a kouja dou pê dè l’ichtouâre è dè chin ke lè j’omo l’an fê dè la rèlidzyon, lè dzin l’an veri kajaka a tréto chin. In dou-mil-dji, l’é fê ma premire Komunyon ou Kanada è no j’iran tyè katro chu tota l’èkoula è ti lè j’âdzo. Rin mé dè katyimo, rin mé d’inpou,… to chè fâ in dèfro. Li a pâ gran tin, chu pachâ ou Lé Chin-Djan. On mohyi monchtro avui dou hyotchi è di balè pêrè irè ou mitin dè deléjè. L’é tsartchi on bokon è l’é yu ke chi mohyi irè… a vindre ! Lè pèrotsin prêyon po trovâ kôkon ke betichè de l’êrdzin po fére di tinyèmin ou bin on kabarè è ke fachichè ouna pitita kotse po kontinuâ dè dre la mècha. Lè le mi ke dèmandon. Che tràvon nyon por atsetâ, le mohyi va ithre frèjâ è rinpyathyi pê di novalè méjon. È din prà de velâdzo l’è parê. Trichto, bin chur, ma l’è dinche.

Adon, vêr no, no chin adi pâ din ha chituachyon ma i vindrè chur on dzoua. Prà dè dzin chè chayon dou Mohyi a kouja di j’inpou. Portyè l’êrdzin lè lyâ a l’apartènanthe ou mohyi ? l’è pâ din ti lè tyinton dinche. Bènirajamin, li a di dzin ourâ ke chan adi pridji la bouna parola avui di mo dou dzoua d’ora. Ma di kou, te pou tsêre chu kôkon dè bornâ ke farè mé dè mô tyè dè bin. Fâ di milènéro ke lè dzin chè royon dèchu por inpojâ lou fathon dè moujâ i j’ôtro… cheri-the pâ le momin dè tsandji ?

Mè moujo ke fô vêre le vretâ in fathe è moujâ a kemin vouèrdâ di mohyi po la mècha è portyè pâ po di j’ôtrè tsoujè achebin ? Yô li a dou dzouyo, li a chur le Chin t’Èchpri. Dèvan dè ti lè vindre, li a chur a dèvejâ, a moujâ è rèmoujâ, … Chin ke l’è chur, l’è ke le Bon-Dyu l’a fê lè j’omo, in premi, po ch’amâ lè j’on lè j’ôtro dèvan dè chôvâ de la pêra.

A la fin dou XIXe chyèkle, Monbovon l’a rèfê on mohyi pye grô. Tinke ouna foto yô le novi mohyi chè tin bi drê dèkouthè le viyo dèvan dè le fotre bâ. N’in d’a chur ke rètsandzèran bin avui le viyo ke chèrè ora prou grô, achurâ !

Romain Pittet

Les églises : un avenir ?

Notre canton regorge de belles églises, de petites chapelles, d’oratoires, de croix de toutes sortes pour tous les chemins, … Chacun a son petit endroit pour se recueillir. Mais ce patrimoine : a-t-il un avenir chez nous ?

On peut se poser la question ou ne pas y penser mais ce qui en est en est ; ce virus a déjà touché tout l’Europe et même l’Amérique : les églises se vident. Alors que faire ? rester les yeux fermés ? Ou alors se les frotter, les ouvrir et penser à demain ?

Aujourd’hui, chacun est libre de croire a ce qui lui fait du bien. Ceci ne veut pas dire que les gens ont moins de spiritualité. Les modes ont changé. Mais le patrimoine religieux de notre pays est là et on commence à se poser la question de l’utilité que pourraient avoir les églises qui coûtent bel et bien cher à entretenir.

Nous ne sommes pas les premiers. Au Québec, Dieu sait s’il y a de belles églises. Mais à cause du poids de l’histoire et de ce que les hommes ont fait de la religion, la communauté a tourné le dos à tout cela. En 2010, j’ai fait ma 1ère communion au Canada et nous étions que 4 sur toute l’école et tous les âges confondus. Plus de catéchisme, plus d’impôts, … Tout se fait en dehors. Il n’y pas si longtemps, je suis passé au Lac Saint-Jean. Une immense église avec deux clochers et de belles pierres était au milieu de barrières. J’ai cherché un petit peu et j’ai trouvé que cette église était… à vendre ! Les paroissiens prient pour trouver quelqu’un qui mette l’argent pour faire des appartements ou un restaurant et qu’il fasse un petit endroit dédié au culte. C’est le mieux qu’ils demandent. S’ils ne trouvent pas d’acheteurs, l’église sera détruite et remplacée par de nouvelles bâtisses. Dans de nombreux villages, la situation est telle. Triste, bien sûr, ma l’è dinche.

Alors, chez nous, nous ne sommes encore pas dans cette situation mais ça viendra certainement un jour. Beaucoup de personnes se sortent de l’Eglise à cause des impôts. Pourquoi l’argent est-il lié à l’appartenance à l’Eglise ? Ce n’est pas dans tous les cantons comme ça. Heureusement, il y a des gens ouverts qui savent prêcher la bonne parole avec des mots d’aujourd’hui. Mais parfois, tu peux tomber sur quelqu’un de borné qui fera plus de mal que de bien. Ça fait des millénaires les humains se tapent dessus pour imposer leur façon de penser aux autres… ne serait-ce pas le moment de changer ?

Je pense qu’il faut voir la vérité en face et penser à comment garder des églises pour les célébrations et pourquoi pas pour d’autres choses également ? Où il y a de la joie, il y a sûrement le Saint-Esprit. Avant de toutes les vendre, il y a assurément à parler, réfléchir et repenser… Ce qui est sûr, c’est que le Bon-Dieu a fait les humains en premier lieu pour s’aimer les uns les autres plutôt que pour sauver de la pierre.

A la fin du XIXe siècle, Montbovon a bâti une église plus grande. Voilà une photo où la nouvelle église se tient fièrement au côté de l’ancienne avant sa destruction. Il y en a sûrement qui rechangeraient bien avec l’ancienne qui serait maintenant assez grande, achurâ !

Romain Pittet