Li a ‘na djijanna dè dzoua, l’é partichipâ a la premire korcha dou «Groupe E tour» a Vuthèrnin-dèvan-Remon. In patê on âmè bin lè viyo mo: dêvo dre «La korcha di j’EEF» adon?…

Hou korchè chon organijâyè ti lè j’an chu thin chenannè din thin velâdzo ou velè difèrintè.

Chta chenanna, irè pê le Mourè. Galé! Ma rèvinyin din la Yanna, a Vuthèrnin, ou bin Westernens kemin i âmon le dre du lè giron dè vint’è-trè. On mache dè mondo lè modâ po dji kilomêtre dou terin dè foot. Môgrâ la roye ke l’a fê, tyin pyéji dè dèkrouvâ ha bala kanpanye de la pâ dè Lyèfrin è Chemintyi. Di balè fêrmè avui lè fenèthri to botyatâ, di gèranyon i kolà dè chkarlatè, di bi è grô kurti, di dzordi tsardji dè bala frete,… On tràvè achebin on bokon dè chin din lè j’ôtro dichtri bin chur, ma on pou bin gabâ la Yanna on kou, i dèvejo proumatêre de la Grevire, tyédè! Fô dre ke l’é ‘na bouna kucha de la Yanna pê ma mér’gran achebin!

È pu, l’è pâ pachke gugon lè vani d’on tro pye yin ke dèvejon pâ patê! Chu ‘na méjon dè Lyèfrin, irè mimamin markâ «intche-no».

Chin ke mè fâ a chondji, chuto din la Yanna, l’è k’intrèmi di dzà, din la bala kanpanye, on pou vouityi to outoua dè no: pâ on blok a porta-yuva!

Hou korchè rachinbyon dou mondo in mache è fan a chayi lè dzin po inkoradji lè j’ôtro. Ouna bala fathon dè fére di konyechanthè è dè dèkrouvâ di galéjè kotse!

Chin l’è bi!

Romain Pittet

Du côté de la Glâne

Il y a une dizaine de jours, j’ai participé à la première course du Groupe E tour à Vuisternens-devant-Romont. En patois on aime bien les vieux mots: dois-je dire «La course des EEF» alors?...

Ces courses sont organisées chaque année sur 5 semaines dans 5 villages ou villes différentes.

Cette semaine, c’était par le Mouret. Galé! Mais revenons dans la Glâne, à Vuisternens, ou Westernens comme ils aiment bien le dire depuis les Girons en 23. Une masse de monde est partie du terrain de foot. Malgré la rincée qu’il a fait, quel plaisir de découvrir cette belle campagne du côté de Lieffrens et Sommentier. De belles fermes avec les façades toutes fleuries, des géraniums aux couleurs écarlates, de beaux et grands jardins, des vergers chargés de beaux fruits, … On trouve aussi un peu de cela dans les autres districts bien sûr, mais on peut bien venter la Glâne un coup, je parle assez de la Gruyère, n’est-ce pas? Il faut dire que j’ai une bonne cuisse glânoise par ma grand-maman aussi!

Et puis, ce n’est pas parce qu’ils regardent les vanils d’un peu plus loin qu’ils ne parlent pas le patois! Sur une maison de Lieffrens c’était même marqué «Intche-no».

Ce qui me fait rêver le plus, surtout dans la Glâne, c’est qu’entre les forêts, dans la belle campagne, on peut regarder tout autour de soi: pas un bloc à portée de vue!

Ces courses rassemblent du monde en masse et font sortir les gens pour encourager les autres. Une belle façon de faire des connaissances et de découvrir de jolis endroits!

Chin l’è bi!

Romain Pittet