La chenanna pachâye, vo j’é dèvejâ dè ha galéja kothema dou tyindzè dou mi d’ou. L’é de k’irè lè chochyètâ dè dzouno k’alâvan èhyiri lè krê d’on ketsè dè lou velâdzo. Po Granvelâ, irè pâ to djuchto puchke ke li a achebin di min dzouno… l’è le chki-klub ke ch’okupè dè chin fére du grantin. Tyinta tsanthe, prà dè dzouno è d’infan n’in fan partya ! Inke di foto totè frètsè ke mothron bin chi galé momin ke l’an pachâ.
La krê dou Kyà ke chè tràvè bin pyantâye ou ketsè di chi trapéje l’è j’ou betâye in mil’nouthin-karantè-nà pê lè mimbro fondateu dou chki-klub ke l’avan a kà dè betâ chi chunyo d’amon dè lou terin dè dju. Ha premire krê dè tsâno l’è jou rinpyathi kotyè kou. Dèvan, ouna mècha irè baya l’é d’amon. Ou dzoua d’ora, le tyindzè dou mi d’ou, apri le pèlèrinâdzo a la kanna dou Granvelâ, lè dzin monton betâ in lumyére la krê è pachâ ouna galéja vèya l’é amon. Le Bon-dyu l’è chur préjin ou mitin dè hou balè vouêrbè dè partâdzo, dè dzouyo è d’amihyâ. Achurâ!
Romain Pittet
Le Cuà
La semaine passée, je vous ai parlé de cette belle coutume de l’Assomption. J’ai dit que c’était les sociétés de jeunes qui allaient éclairer les croix d’un sommet de leur village. Pour Grandvillard, ce n’était pas tout juste puisqu’il y a aussi des moins jeunes… c’est le ski-club qui s’occupe de faire cela depuis longtemps. Quelle chance, beaucoup de jeunes et d’enfants en font partie ! Voici des photos toutes fraîches qui imagent bien ce joli moment qu’ils ont passé.
La croix du Cuà qui se trouve bien plantée au sommet de ce trapèze a été mise en 1949 par les membres fondateurs du ski-club qui avaient à cœur de mettre ce symbole d’en haut de leur terrain de jeu. Cette première croix de chêne a été remplacée quelques fois. Autrefois, une messe était donnée là-haut. Aujourd’hui, le 15 août, après le pèlerinage à la grotte de Grandvillard, les habitants montent mettre en lumière la croix et passer une belle veillée en hauteur. Le Bon-Dieu est sûrement présent au milieu de ces beaux moments de partage, de joie et d’amitié. Achurâ !
Romain Pittet