(Tèkchte teri in partya dou lêvro « Vallées de la Jogne et du Javro, les sanctuaires » dè Marcel Perret.

Po keminhyi, kotyè mo d’ichtouâre. Din la bible, no tràvin rin dè chartin chu la ya dè Chinte-Nanèta, dona dè la Vyèrdze-Maryè. Bin chur ke Nouthra-Dona l’a bin j’à ouna dona. Kemin l’è a non vertâbyamin ? Nyon le châ ! Lè dichiplè et lè j’apôtre chè chon pâ tru intyètâ. Vekchan ou toua è po le Krichte. Ma, on tràvè di trache dè kulte a ha mére-gran du le chijimo chyêkle. Chi kulte chè èpantchi din tota l’Europa. On mache dè mohyi è dè tsapalè chon bâti a l’anà dè Chinte-Nanèta, achbin di tablo, contro lètchin le chèlêbro rèformateu Martin Lüther l’a grantin lutâ. È tyè vin fére Chinte-Nanèta in Tsarmê ? On châ pâ ! L’è la famiye Carruptet dou Prâ ke l’a fê bâti chi chanktuéro in mil-katrothin dji. La tsapala l’è j’ou rechtorâye intrè mil-thinthin nonantè-chate è mil-chithin ondzè. Ora, l’è la pèrotse dè Tsarmê ke l’è propriètéra.

Din la tsapala l’i avê on pèrotsin ke l’è j’ou imprèmê in mil-katrothin karanta pê le chèlêbro Gutenberg. On puyê yère le pri di mèchè d’adon ! Maliràjamin, chi pèrotsin l’a muchi ou tin dè l’okupachyon militéro dè mil-vouèthin karantè-vouète. Din le tin l’i avê ouna prochèchyon le vintèchê dè juyè. L’è le dzoua d’anivèrchéro dè Chinte-Nanèta. L’inkourâ fajê du tin j’intin di batchimo. Ma chin l’è fournê, on pou pâ mé le fére. Lè batchimo dêvon chè fére din le mohyi !

Por alâ a la tsapala Chinte-Nanèta, kan on vin du Bulo, a pou pri a la hôtyà dou mohyi, fô veri a gôtso. Pè montâ la route intrèmi dè l’ôtel l’Èthêla è la kura. Fô chouêdre la route a pou pri mil-douthan mêtre. La tsapala chè tràvè a gôtso dè la route.

Bèrnâ Repond, Tsarmê

Chapelle Sainte-Anne au bas du Liderrey.

(Texte tiré en partie du livre « Vallées de la Jogne et du Javro, les sanctuaires » de Marcel Perret).

Pour commencer quelques mots d’histoire. Dans la bible, on ne trouve rien de certain sur la vie de Sainte-Anne, mère de la Vierge-Marie. Bien sûr que Notre-Dame a bien eu une maman. Comment s’appelle-t-elle véritablement ? Personne ne le sait ! Les disciples et les apôtres ne se sont pas trop inquiétés. Ils vivaient autour et pour le Christ. Mais, on trouve des traces de culte de cette grand-mère dès le VIe siècle. Ce culte s’est répandu dans toute l’Europe. Une grande quantité d’églises et de chapelles sont bâties en l’honneur de Sainte-Anne, aussi des tableaux, contre lesquels le célèbre réformateur Martin Lüther a longtemps lutté. Et que vient faire Sainte-Anne à Charmey ? On ne sait pas ! C’est la famille Carruptet du Pra qui a fait bâtir ce sanctuaire en 1410. La chapelle a été restaurée entre 1597 et 1611. Aujourd’hui, c’est la paroisse de Charmey qui en est propriétaire.

Dans la chapelle, il y avait un missel qui avait été imprimé en 1440 par le célèbre Gutenberg. On pouvait lire le prix des messes d’alors ! Malheureusement, ce missel a disparu lors de l’occupation militaire de 1848. Autrefois il y avait une procession le 26 juillet. C’est le jour d’anniversaire de Sainte-Anne. Le curé faisait de temps à autre des baptêmes. Mais ça c’est fini, on ne peut plus le faire. Les baptêmes doivent se faire à l’église !

Pour aller à la chapelle Sainte-Anne, lorsqu’on vient depuis Bulle, à peu près à la hauteur de l’église, il faut tourner à gauche. Puis monter par la route entre l’hôtel de l’Etoile et la cure. Il faut suivre la route à peu près 1200 m. La chapelle se trouve à gauche de la route.

Bernard Repond, Charmey